U Minsku zabaroniać apłačvać štraf za bieźbiletny prajezd na miescy najaŭnymi
Z 1 vieraśnia ŭ staličnym hramadskim transparcie ŭvodziacca novyja praviły: štraf za bieźbiletny prajezd bolš nielha budzie apłacić na miescy najaŭnymi. Jak paviedamili ŭ «Minsktransie», ciapier zrabić heta možna budzie tolki praź sistemu ARIP u bieznajaŭnaj formie, piša «Smartpres».
Raniej kantralory dazvalali parušalniku adrazu pryznać vinu i zapłacić minimalny štraf na miescy, biez składańnia administracyjnaha pratakoła. Ciapier takaja mahčymaść admienienaja.
U 2024 hodzie ŭ Minsku było złoŭlena bolš za 100 tysiač bieźbiletnikaŭ. Ahulnaja suma štrafaŭ pieravysiła 3 miljony rubloŭ. Časam parušeńni pierarastali ŭ bolš surjoznyja situacyi: zafiksavana šeść vypadkaŭ napadu na kantraloraŭ, pa jakich zaviali kryminalnyja spravy pavodle artykuła 366 KK (hvałt ci pahroza ŭ dačynieńni da słužbovaj asoby).
Ciapier štraf za bieźbiletny prajezd składaje ad 21 da 42 rubloŭ (0,5 — 1 bazavaja vieličynia). Akramia taho, parušalnik abaviazany apłacić košt samoj pajezdki, kali choča praciahnuć ruch. Kali ž jon hetaha nie zrobić, to kantralor maje prava vysadzić parušalnika na najbližejšym prypynku.
Ułady nazvali sabiekošt pajezdki ŭ hramadskim transparcie Minska
Minčuk aburyŭsia kantynhientam u staličnym mietro: Usie z novymi ajfonami, ale nie mohuć dazvolić sabie tannuju mašynu ci pajezdki na taksi?
U Biełarusi źjavicca adzinaja mabilnaja prahrama dla prodažu kvitkoŭ na hramadski transpart
U Hrodnie ŭvadnačas zakryli pałovu kijoskaŭ, dzie možna nabyć kvitki na hramadski transpart. U aŭtaparku prablemy nie bačać
Kamientary
Ps. Darečy, a što tam ź piersanalnymi źviestkami? Možna davać pašpart ci nie?