BiełAZ pačaŭ vyprabavańnie bieśpiłotnych samazvałaŭ
Biełaruski aŭtamabilny zavod (BiełAZ) pačaŭ vyprabavańni bieśpiłotnych samazvałaŭ, paviedamiła pres-słužba pradpryjemstva. Testavańnie na śpiecyjalnym palihonie asabista kantralavaŭ hienieralny dyrektar pradpryjemstva Siarhiej Lesin.
Vytvorčaść bieśpiłotnaj techniki nazyvajecca dla BiełAZa stratehičnaj asnovaj raźvićcia na dziesiacihodździ napierad, pakolki budučynia hornazdabyŭnoj haliny — u poŭnaj ličbavizacyi. Prytym Siarhiej Lesin śćviardžaje, što siońnia BIEŁAZ robić staŭku na ŭłasnyja raspracoŭki i supracoŭnictva z partniorami z Rasii, całkam admaŭlajučysia ad zachodnich technałohij.
U vieraśni 2025 hoda było padpisana pahadnieńnie ab stvareńni biełaruska-rasijskaha pradpryjemstva dla raspracoŭki inavacyjnych bieśpiłotnych i vadarodnych 220‑tonnych karjernych samazvałaŭ BiełAZ.
Čytajcie taksama:
Busły, draniki i BiełAZy. «Miehatop» vypuściŭ kalekcyju abutku ź biełaruskimi matyvami
BiełAZ pakazaŭ svaju novuju mašynu dla absłuhoŭvańnia aeraportaŭ