Ukraina paprasiła prabačeńnia ŭ krain Bałtyi za padzieńnie svaich dronaŭ na ich terytoryi
Ukraina aficyjna paprasiła prabačeńnia ŭ krain Bałtyi z-za niadaŭnich incydentaŭ ź bieśpiłotnikami. Pra heta paviedamiŭ pres-sakratar MZS Ukrainy Hieorhij Cichi ŭ intervju partału Delfi, piša «Jeŭrapiejskaja praŭda».
Abłomki drona, jaki ŭpaŭ na aziorny lod u Litvie. Fota: Julius Kalinskas / Elta
Hieorhij Cichi zajaviŭ, što Ukraina sama nie nakiroŭvała i nie mahła nakiroŭvać svaje drony ŭ bok Litvy, Łatvii i Estonii.
Pavodle jaho słoŭ, paśla rasśledavańnia vyśvietliłasia, što ŭ šerahu vypadkaŭ bieśpiłotniki adchilalisia ad kursu z-za ŭździejańnia rasijskich sistem radyjoelektronnaj baraćby.
Ukrainski bok padkreśliŭ, što padtrymlivaje pastajanny kantakt z bałtyjskimi krainami i ščyra paprasiŭ u ich prabačeńnia za zdareńni. Taksama było adznačana, što asnoŭnaj pryčynaj takich incydentaŭ źjaŭlajecca rasijskaja ahresija suprać Ukrainy.
Raniej niekalki dronaŭ padčas atak na rasijskija abjekty kala Sankt-Pieciarburha źbilisia z kursu i trapili na terytoryju Bałtyi — častka ź ich upała ŭ Łatvii, Estonii i Litvie. Taksama adzin ź bieśpiłotnikaŭ parušyŭ pavietranuju prastoru Finlandyi, pierad jakoj Ukraina taksama vybačyłasia.
Čytajcie taksama:
Piataja noč atak: u porcie Uść-Łuha paśla ataki dronaŭ znoŭ uspychnuŭ pažar
Ukrainskija drony atakavali adnaho z najbujniejšych vytvorcaŭ fosfarnych uhnajeńniaŭ u Rasii
Ukrainskija drony vyvieli sa stroju adzin z najbujniejšych rasijskich NPZ
Padčas načnoj ataki ŭkrainskich dronaŭ u porcie Vybarha byŭ paškodžany najnoŭšy rasijski ledakoł
U Leninhradskaj vobłaści adbyłasia masiravanaja ataka dronaŭ: pažary ŭ partach i kałaps u Pułkavie