Piataja noč atak: u porcie Uść-Łuha paśla ataki dronaŭ znoŭ uspychnuŭ pažar
Leninhradskaja vobłaść RF piatuju noč zapar padviarhajecca masavanym udaram bieśpiłotnikaŭ. U noč na 29 sakavika čarhovaja ataka pryviała da paškodžańniaŭ i pažaru ŭ stratehična važnym porcie Uść-Łuha.
Pavodle zajavy hubiernatara rehijona Alaksandra Drazdenki, siłami SPA byŭ źbity 31 bieśpiłotnik. Niahledziačy na spravazdačy ab źniščeńni celaŭ, kiraŭnik vobłaści paćvierdziŭ fakt paškodžańniaŭ na terytoryi porta. Pavodle jaho papiarednich źviestak, abyšłosia biez paciarpiełych, adnak na abjekcie zafiksavana ŭzharańnie.
Nastupstvy ŭdaraŭ adčuvajuć i žychary paŭnočnaj stalicy RF. Jašče napiaredadni Sankt-Pieciarburh zaciahnuła čornaj dymkaj. Žychary roznych rajonaŭ horada skardziacca na mocny smoh i pach haru.
MNS Rasii papiaredziła ab paharšeńni ekałahičnaj abstanoŭki ŭ pieryjad z 28 pa 30 sakavika.
Uść-Łuha źjaŭlajecca najbujniejšym portam na Bałtycy, praź jaki idzie ekspart rasijskich enierharesursaŭ. Sistematyčnyja ŭdary pa hetym vuźle na praciahu apošnich piaci dzion śviedčać ab metanakiravanaj sprobie paralizavać łahistyku i naftapierapracoŭčuju infrastrukturu RF u hetym kirunku.
Učora prezident Ukrainy Uładzimir Zialenski zajaviŭ, što paśla ŭdaraŭ ukrainskich sił pa naftapierapracoŭčych zavodach u Leninhradskaj vobłaści zastałosia kala 40% mahutnaściej.
Kamientary
napiši kačiestviennyj matieriał, otprav́ im na počtu. uvierien, opublikujut, jeśli on budiet diejstvitielno kačiestviennym..
vsie vam viečno kto-to čto-to dołžien.