Padčas načnoj ataki ŭkrainskich dronaŭ u porcie Vybarha byŭ paškodžany najnoŭšy rasijski ledakoł
Padčas načnoj ataki ŭkrainskich bieśpiłotnikaŭ u Vybarhu paškodžany patrulny ledakoł, jaki budujecca dla bierahavoj achovy pamiežnaj słužby FSB. Heta, vierahodna, pieršy vypadak, kali ŭkrainski dron paškodziŭ rasijski vajskovy karabl u akvatoryi Bałtyjskaha mora, piša «Ahientstvo».
Pra toje, što načnaja ataka ŭkrainskich BPŁA zakranuła Vybarh, ranicaj pisaŭ hubiernatar Leninhradskaj vobłaści. Akramia Vybarha, pry ŭdary paciarpieŭ port Uść-Łuha, dzie adbyŭsia pažar.
Ukrainskija vajennyja kanały apublikavali fota vajskovaha karabla, jaki nachiliŭsia, na terytoryi Vybarhskaha sudnabudaŭničaha zavoda. Kanał Supernova+ napisaŭ, što «adzin z karabloŭ paškodžany ŭ vyniku ataki BPŁA». Kanał Exilenova+ udakładniŭ, što na fota, vierahodna, trapiŭ patrulny ledakoł «Purha» prajekta 23550.
Papadańnie pa vajskovym karabli ŭ Vybarhu pryznali i Z-kanały. «Kadry z traplańniami ŭžo musirujuć ukrainskija kanały, dzie adznačany ŭdar pa ledakole ŭ Vybarhu», — napisaŭ kanał «Archanhieł śpiecnaza» (publikacyju repostnuŭ kanał «Dva majora»). Kanał «Zapiski mičmana Ptičkina», jaki śpiecyjalizujecca na vajenna-marskim fłocie, napisaŭ:
«Uść-Łuha, Prymorsk, Kranštat, ciapier Vybarh. Najbujniejšyja porty Bałtyki, ekspart vuhlevadarodaŭ, abjekty fłotu, ciapier voś vajennaje karablebudavańnie».
Pry hetym u dopisie padkreślivajecca, što «ŭličvajučy adsutnaść śladoŭ vybuchu ci pažaru, moža być dyviersija».
Z-błohier Uładzimir Ramanaŭ napisaŭ, što «atakavany patrulny ledakoł prajekta 23550», ale nie «Purha», jak pisali ŭkrainskija kanały, a «Dziaržynski».
Ledakoł «Dziaržynski» zakłali na Vybarhskim sudnabudaŭničym zavodzie ŭ śniežni 2023 hoda. Jon pavinien stać čaćviortym karablom, pabudavanym pa prajekcie 23550. Pieršyja dva byli zakazany VMF na «Admirałciejskich vierfiach» u mai 2016 hoda, a zakazčykam druhoj pary ledakołaŭ stała Bierahavaja achova pamiežnaj słužby FSB u lipieni 2020 hoda. U 2025 hodzie byŭ zdadzieny pieršy karabiel prajekta 23550 «Ivan Papanin».
Ukraina ŭžo atakavała vajskovyja karabli rasijskaha VMF na Bałtycy, ale nie z prymianieńniem bieśpiłotnikaŭ. Viasnoj 2024 hoda Hałoŭnaje ŭpraŭleńnie raźviedki Ukrainy apublikavała videa padpału na rakietnym katary «Sierpuchaŭ» u Bałtyjsku Kalininhradskaj vobłaści. Vosieńniu taho ž hoda ŭ Bałtyjsku była ździejśniena dyviersija na tralščyku «Alaksandr Abuchoŭ».
-
Ukrainskija vajskoŭcy zajavili pra paśpiachovuju apieracyju «Vieles», jakoj jany sarvali rasijskija płany nastupu na Kupiansk
-
U vyniku rasijskaha ŭdaru pa Kijevie razburanyja niekalki handlovych centraŭ FOTY
-
«Ja pisaŭ mamie, a jana ŭžo była miortvaja» — historyi zahinułych paśla ŭdaru pa Novaj Vadałazie na Charkaŭščynie
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju4
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski55
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski5
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary