U Homieli pačali rekanstrukcyju doma, u jakim naprykancy minułaha hoda adbyŭsia vybuch

U Homieli pačali adnaŭlać padjezd doma, jaki paciarpieŭ paśla vybuchu hazu ŭ śniežni 2025 hoda. Praź niekalki miesiacaŭ paśla zdareńnia budaŭniki prystupili da mantažu novych kanstrukcyj zamiest tych, što byli razburanyja, paviedamiła pres-słužba Homielskaha abłvykankama.

Skrynšot ź videa

Dla adnaŭleńnia vykarystoŭvajucca śpiecyjalna vyrablenyja paneli, stvoranyja pavodle starych čarciažoŭ. Pierad pačatkam rabot ich pravieryli i siertyfikavali. Ciapier budaŭniki pracujuć na ŭzroŭni šostaha paviercha, bo raniej daviałosia razabrać častku budynka z šostaha pa dziasiaty pavierch i haryšča.

Paśla taho jak kanstrukcyi buduć adnoŭlenyja, u padjeździe praviaduć kapitalny ramont: zamieniać kamunikacyi, inžyniernyja sietki i zrobiać azdableńnie kvater, jakija paciarpieli.

Nadzvyčajnaja situacyja ŭ dziesiacipaviarchovym domie na vulicy Kosarava ŭ Homieli adbyłasia 17 śniežnia. Papiaredniaj pryčynaj była nazvana ŭspyška hazava-pavietranaj sumiesi ŭ kvatery na siomym paviersie. U vyniku abrynulisia plity pierakryćciaŭ kvater. Praviedziena apieratyŭnaja evakuacyja žycharoŭ.

«Epicentram vybuchu była kuchnia kvatery numar 107. Vybuchu papiaredničaŭ praces pažaru, jaki ŭźnik u kuchonnaj šafcy pobač z hazavaj plitoj», — rastłumačyŭ pa vynikach rasśledavańnia načalnik USK.

U dalejšym vyśvietliłasia, što zahinuła žančyna. Jaje cieła było znojdziena pry razbory budaŭničych kanstrukcyj. Žychary paciarpiełaha padjezda byli pierasielenyja.

Kamientary da artykuła