Što budzie z domam u Homieli, dzie vybuchnuŭ haz i zahinuła žančyna pad abłomkami?
Žylcoŭ padjezda pakul adsialili.
17 śniežnia ŭ adnym z padjezdaŭ dziesiacipaviarchovaha doma na vulicy Kosarava abrynulisia pierakryćci. Pryčynaj staŭ vybuch hazava-pavietranaj sumiesi ŭ kvatery na siomym paviersie.
Vierchnija pavierchi padjezda demantujuć. Ludziej časova adsialili.
A što budzie paśla z domam? Razabrany padjezd całkam adbudujuć nanova, paviedamili na ANT. Dom znoŭ budzie dziesiacipaviarchovym, takim, jakim byŭ da trahiedyi.
«Zapłanavali ŭstanoŭku tut viežavaha krana. Na praciahu niekalkich dzion jaho ŭstalujuć. I paśla taho, jak pojduć užo adfarmavanyja paneli z zavoda, pačniecca mantaž doma, — kaža namieśnik staršyni Homielskaha abłvykankama Andrej Baranoŭski.
Zrazumieła, što apošni dom takoj sieryi my pabudavali ŭ 1992 hodzie. Dobra, što jość archiŭ. Zachavałasia prajektnaja dakumientacyja hetaj sieryi. I, hruntujučysia na hetych dakumientach, siońnia inžyniery viaduć pracu pa vuzłach. Tamu što my razumiejem, što dadatkova treba raspracavać novyja vuzły suviaziaŭ dla taho, kab złučyć staruju kanstrukcyju z novaj».
Žylcy mohuć pierajechać u arendnaje žyllo, atrymać kampiensacyju, viarnucca ŭ adnoŭlenyja kvatery. Havorka idzie ŭ tym liku ab vypłacie rynačnaha koštu kvater u demantavanaj častcy doma. Ich jak minimum dziesiać.
Taksama padklučany «Biełdziaržstrach». Trom uładalnikam kvater, jakija byli zastrachavanyja, vydadzienaja materyjalnaja dapamoha.
Raniej paviedamlałasia taksama, što ŭ zaležnaści ad sumy škody kožnaja siamja atrymaje ŭ siarednim blizu 100 tysiač rubloŭ.
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary