Biełaruś u suśvietnych lidarach pa pavolnaści mabilnaha internetu

Zhodna z danymi Speedtest Global Index, na luty 2026 hoda Biełaruś zajmała 101‑ie z 104‑ch miescaŭ pa miedyjannaj chutkaści mabilnaha internetu, piša vydańnie «Biełorusy i rynok».

Zdymak ilustracyjny. Fota: «Naša Niva»

27,32 Mbit/s — heta siaredni pakazčyk chutkaści mabilnaha internetu ŭ Biełarusi. Pavolniejšy siarod vyvučanych Speedtest Global Index krain jon byŭ tolki ŭ Pakistanie, Livii i Balivii.

Dla paraŭnańnia: pakazčyk lidara, jakim źjaŭlajucca AAE, składaje 681,18 Mbit/s.

Top-10 krain pa chutkaści mabilnaha internetu:

1. AAE — 681,18 Mbit/s;
2. Katar — 583,12;
3. Kuviejt — 380,15;
4. Bachrejn — 315,38;
5. Brazilija — 262,35;
6. Paŭdniovaja Kareja — 257,05;
7. Bałharyja — 250,80;
8. Bruniej — 247,01;
9. Saudaŭskaja Aravija — 226,53;
10. ZŠA — 211,84.

Mabilny internet chutčejšy, čym u Biełarusi, va ŭsich krainach Bałtyi, Polščy, Kazachstanie, Kyrhyzstanie, Uźbiekistanie, Azierbajdžanie, Armienii, Hruzii, Małdovie i Ukrainie.

Fiksavany šyrokapałosny internet

Što tyčycca pravadnoha internetu, to tut situacyja dla Biełarusi krychu lepšaja. Pa jaho chutkaści — 90,78 Mbit/s — kraina zajmaje 82‑ie miesca sa 153 krain śvietu. Biełaruś znoŭ prajhraje Ukrainie, a taksama Rasii, ale apiaredžvaje Kazachstan, Kyrhyzstan, Armieniju i Hruziju.

Apošniaje miesca pa chutkaści fiksavanaha internetu zajmaje Kuba, pieršaje — Sinhapur.

Top-10 lidaraŭ fiksavanaha internetu:

1. Sinhapur — 420,92 Mbit/s;
2. AAE — 398,42;
3. Hankonh — 350,88;
4. Francyja — 350,42;
5. Isłandyja — 347,18;
6. Čyli — 337,64;
7. Makaa — 317,85;
8. ZŠA — 308,11;
9. Vjetnam — 288,76;
10. Danija — 287,99.

Kamientary da artykuła