U Biełarusi abmiažoŭvajuć chutkaść mabilnaha internetu. A jakija ceny i ŭmovy ŭ Polščy i Litvie?

Z 23 lutaha ŭ Biełarusi pačali abmiažoŭvać chutkaść mabilnaha internetu na taryfach ź bieźlimitnym trafikam paśla vykarystańnia 30 hihabajt na miesiac. Voś jak situacyja z mabilnym internetam vyhladaje ŭ dźviuch susiednich krainach ES.

Polšča

Mabilny apieratar T-mobile u Polščy prapanuje taryfny płan ź bieźlimitnym zvankami i internetam za 75 złotych u miesiac. Heta kala 60 biełaruskich rubloŭ.

Pavialičyć

U apisańni da taryfu paznačana, što ŭ im niama abmiežavańniaŭ na abjom danych i maksimalnuju chutkaść. Pry hetym taryf moža być vykarystany tolki na pryładach, jakija nie źjaŭlajucca mademami abo maršrutyzatarami. Karystacca internetam možna tolki na terytoryi Polščy.

U apieratara Plus taryfny płan ź bieźlimitnym internetam kaštuje 90 złotych (kala 72 rubloŭ).

Abanientu taksama dajecca 30 hihabajt trafiku ŭ roŭminhu pa ES, Narviehii, Isłandyi, Lichtenštejnie, Ukrainie i Małdovie.

Bieźlimitny płan u apieratara Orange kaštuje 100 złotych (kala 80 rubloŭ). Unutry Polščy internet nie limitavany ni abjomam, ni chutkaściu. Taryf taksama praduhledžvaje 34 HB internetu ŭ roŭminhu pa krainach ES.

A voś u apieratara Play bieźlimitny internet nie zusim bieźlimitny, bo praz 24 miesiacy paśla padpisańnia ŭmovy abanient maje tolki 300 hihabajtaŭ internetu ŭnutry Polščy biez abmiežavańniaŭ pa chutkaści.

Kaštuje taki taryf 95 złotych u miesiac (kala 75 rubloŭ).

Pavialičyć

Paśla vyčarpańnia 300 HB internet nie adklučajecca, a prosta stanovicca pavolnym. Roŭminh unutry ES abmiežavany — 32 HB.

Litva

Litoŭski mabilny apieratar Labas prapanuje taryf ź bieźlimitnymi vyklikami i internetam biez abmiežavańniaŭ pa chutkaści za 22 jeŭra ŭ miesiac (kala 74 rubloŭ).

Taksama ŭ jaho ŭvachodzić 34 HB u roŭminhu ŭ ES, Vialikabrytanii i krainach JEEZ. I navat 2 hihabajty ŭ trecich krainach, siarod jakich jość Biełaruś.

Pavialičyć

Taryf z 31 HB roŭminhu tolki pa ES kaštuje 20 jeŭra (kala 67 rubloŭ).

Apieratar Ežys prapanuje bieźlimitny internet pa Litvie i 29 HB pa ES za 19 jeŭra ŭ miesiac (kala 64 rubloŭ). Havorki pra limit chutkaści paśla dasiahnieńnia peŭnaha abjomu nie idzie.

Litoŭski apieratar Telia maje taryf za 30,90 jeŭra (kala 104 rubloŭ), jaki źmiaščaje nieabmiežavany pa chutkaści i abjomie internet unutry Litvy i cełych 59 HB pa ES, Vialikabrytanii i krainach JEEZ, Ukrainie i Małdovie.

U dadatak idzie jašče i 500 mb u šerahu inšych krain, siarod jakich Biełaruś i navat Rasija.

Litoŭski apieratar Bite prapanuje nielimitavany internet za 29 jeŭra ŭ miesiac (kala 97 rubloŭ). Aproč anlima ŭnutry Litvy, u taryf uvachodzić 50 HB pa ES i Vialikabrytanii. 

I taksama 2 HB u trecich krainach. Biełarusi ŭ hetym śpisie niama.

Pavialičyć

Atrymlivajecca, što z 8 apierataraŭ u hetych dźviuch krainach tolki adzin (polski Play) maje abmiežavańnie pa chutkaści paśla vyčarpańnia 300 HB u miesiac, što ŭ 10 razoŭ bolš, čym 30 hihabajt limitu ŭ Biełarusi.

Pry hetym taryfy ŭ Polščy i Litvie daražejšyja za biełaruskija, ale jany, jak praviła, utrymlivajuć bieźlimitnyja vykliki pa ES i vialiki abjom internet-trafiku ŭ roŭminhu.

* * *

Kali vy žyviacie ŭ Polščy abo Litvie, to možacie nie tolki paraŭnać umovy vykarystańnia mabilnaha internetu, ale i padtrymać «Našu Nivu» častkaj vašaha padachodnaha padatku. Heta nie budzie kaštavać vam ani centa.

Vy prosta pieranakirujecie 1,2—1,5% ad užo spłačanaha vami padatku pry padačy štohadovaj dekłaracyi.

Voś padrabiaznaja instrukcyja, jak zrabić heta ŭ Polščy. Kali vy pracujecie ŭ Litvie, to vam siudy.

• 4
• 0
• 1
• 1
• 0
• 3
• 0
• 0