U bujnych biełaruskich haradach stała aficyjna pracavać suviaź 5G
U Biełarusi aficyjna pačali ŭkaraniać suviaź piataha pakaleńnia — 5G. Pieršym apierataram, jaki adkryŭ dostup da hetaj technałohii dla svaich abanientaŭ, stała kampanija life:), paviedamlaje Telegraf.news.
Jašče za tydzień da aficyjnaha paviedamleńnia karystalniki ŭ roznych haradach užo zaŭvažali značok 5G na svaich telefonach. Ciapier ža aficyjna paćvierdžana: sietka sapraŭdy pracuje, choć pakul znachodzicca na stadyi pastupovaha razhortvańnia.
Na hety momant 5G užo dastupnaja ŭ asobnych miescach u Minsku, Breście, Viciebsku, Mahilovie i Homieli. Akramia taho, viadziecca padrychtoŭka da zapusku sietki i ŭ Hrodnie.
Usiaho ŭžo pracuje bolš za tysiaču bazavych stancyj 5G, i pakryćcio budzie pastupova pašyracca. Adnak važna razumieć, što dostup da novaj suviazi zaležyć nie tolki ad taho, ci jość sihnał u kankretnym miescy, ale i ad pryłady — pakul 5G padtrymlivajuć tolki niekatoryja madeli Android-smartfonaŭ.
Techničnuju asnovu dla sietki zabiaśpiečvaje infrastrukturny apieratar beCloud. Heta značyć, što ŭ budučyni i inšyja mabilnyja apieratary zmohuć vykarystoŭvać hetuju infrastrukturu i prapanoŭvać 5G svaim klijentam.
Čakajecca, što novaja technałohija daść:
- značna bolšuju chutkaść internetu;
- mienšuju zatrymku (što važna, naprykład, dla anłajn-hulniaŭ i videasuviazi);
- bolš stabilnuju pracu sietki ŭ miescach ź vialikaj kolkaściu ludziej.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary