Viktar Łukašenka pryvioz amanskamu sułtanu list ad svajho baćki
Starejšy syn Alaksandra Łukašenki Viktar prybyŭ u Aman u jakaści śpiecyjalnaha pasłańnika svajho baćki. Jon znachodziŭsia na borcie ŭradavaha biznes-džeta, jaki vylecieŭ ź Minska ŭ Maskat napiaredadni, piša Reform.news.
Viktar Łukašenka i Chiejsam bien Taryk al Said. Fota: ONA
Pavodle infarmacyi dziaržaŭnaha infarmacyjnaha ahienctva Amana ONA, Viktar Łukašenka pryvioz sułtanu Amana Chiejsamu bien Taryku al Saidu piśmovaje pasłańnie ad Alaksandra Łukašenki.
U Maskacie jaho pryniaŭ syn sułtana, naśledny prync i namieśnik premjer-ministra pa ekanamičnych pytańniach Said Tejazin bien Chiejsam al Said. Sustreča prajšła 22 krasavika.
Padčas pieramoŭ abmiarkoŭvalisia pytańni dvuchbakovaha supracoŭnictva pamiž Biełaruśsiu i Amanam. Asnoŭnaja ŭvaha, jak aficyjna paviedamlajecca, była nadadziena ekanamičnaj i inviestycyjnaj śfieram, a taksama mahčymaściam pašyreńnia partniorstva na karyść abiedźviuch krain.
Viktara Łukašenku supravadžaŭ jahony pamočnik Siarhiej Zialenkievič.
Raniej, u pačatku krasavika, Aman užo naviedvaŭ ministr zamiežnych spraŭ Biełarusi Maksim Ryžankoŭ.
Čytajcie taksama:
U Amanie adkryjuć pasolstva Biełarusi
Viktara Łukašenku ŭ Amanie nazvali «śpiecyjalnym pradstaŭnikom prezidenta»
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola