Viktara Łukašenku ŭ Amanie nazvali «śpiecyjalnym pradstaŭnikom prezidenta»
Pavodle paviedamleńnia pres-słužby MZS Amana, padčas sustrečy sułtana Chajsama bin Taryka ź biełaruskaj delehacyjaj Viktar Łukašenka ŭdzielničaŭ u pieramovach jak «śpiecyjalny pradstaŭnik prezidenta» abo «śpiecyjalny pasłańnik prezidenta», zaŭvažyŭ Reform.news. U takim ža statusie pravodzić mižnarodnyja sustrečy i były pamočnik Alaksandra Łukašenki Viktar Šejman.
U Biełarusi pasada «śpiecyjalny pradstaŭnik» ci «śpiecyjalny pasłańnik» prezidenta dosyć redkaja. Da hetaha jaje zajmaŭ Viktar Šejman, jaki paśla adstaŭki z pasady Kiraŭnika spravami Łukašenki staŭ śpiecpasłańnikam i praciahvaŭ kuryravać rehijony Kuby, Vieniesueły i Afryki.
Jašče ŭ lutym 2021 hoda Viktar Łukašenka byŭ vyzvaleny ad pasady pamočnika Łukašenki pa nacyjanalnaj biaśpiecy i adnačasova pryznačany prezidentam Nacyjanalnaha alimpijskaha kamiteta. Aficyjna pra pryznačeńnie na inšuju dziaržaŭnuju pasadu nie paviedamlałasia, adnak jon praciahvaŭ kuryravać adnosiny Biełarusi z arabskimi krainami Piersidskaha zaliva i, mahčyma, z časam — ź Indaniezijaj i Ałžyram.
Padčas ciapierašniaj sustrečy ŭ Amanie, jak paviedamlałasia, abmiarkoŭvalisia napramki inviestycyjnaha i ekanamičnaha supracoŭnictva pamiž Biełaruśsiu i Amanam, a taksama šlachi jaho ŭmacavańnia dziela padtrymki rostu ekanomik abiedźviuch krain.
Akramia Viktara Łukašenki, u sustrečy braŭ udzieł taksama małodšy syn Alaksandra Łukašenki Mikałaj.
Ciapier čytajuć
Za vybuch u minskim mietro sudzili nie tolki Kanavałava i Kavalova. Jak skłaŭsia los jašče troch fihurantaŭ spravy?7
Kamientary