Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola
Siońnia Alaksandr Łukašenka sustrakajecca z sułtanam Amana Chajsamam ben Tarekam Al Saidam, paviedamlaje Puł pieršaha. Biełaruskaja delehacyja prybyła ŭ Aman jašče ŭviečary 28 listapada z Mjanmy.
Sustreča adbyvajecca doma ŭ sułtana. Jaje skład — niezvyčajny. Niama biełaruskich čynoŭnikaŭ, jość tolki «siamja» — Aleksandr, Viktar i Kola Łukašenki. Pierakładčykam tradycyjna vystupaje Siarhiej Zielankievič.
Kiraŭniki, paviedamlaje pres-słužba Łukašenki, abmiarkujuć realizacyju ŭžo dasiahnutych damoŭlenaściaŭ, darožnuju kartu i novyja sumiesnyja prajekty ŭ pramysłovaści, łahistycy, inviestycyjach i vysokich technałohijach.
Łukašenka prylacieŭ u Aman z Mjanmy viečaram u piatnicu, ale za subotu i niadzielu nijakich navin nie było, što vyklikała žarty ŭ internecie.
Aman staŭ čarhovym punktam u zamiežnym turne Łukašenki, paśla jakoha jon nakirujecca ŭ Ałžyr.
Kamientary