U Polščy zatrymali biełarusa za arhanizacyju kantrabandy praz pavietranyja šary

U Lublinskim vajavodstvie ŭ Polščy zatrymali 34‑hadovaha hramadzianina Biełarusi Michaiła S., jakoha padazrajuć u kantrabandzie cyharet z dapamohaj mietearałahičnych pavietranych šaroŭ, paviedamlaje wnp.pl.

Cyharety, dastaŭlenyja kantrabandaj pavietranym šlacham. Fota ilustracyjnaje

Pavodle materyjałaŭ śledstva, Michaił S. arhanizavaŭ i kiravaŭ złačynnaj hrupaj, jakaja na praciahu amal hoda (z maja 2025 da krasavika 2026) pierapraŭlała cyharety ź Biełarusi ŭ Polšču.

Schiema vyhladała tak: šary zapuskali z terytoryi Biełarusi, vykarystoŭvajučy spryjalnyja ŭmovy nadvorja. Paśla pryziamleńnia ŭ Polščy hruz zabirali inšyja ŭdzielniki hrupy i raspaŭsiudžvali dalej.

Dla ŭsiaho hetaha vykarystoŭvali kala 160 šaroŭ. Ź ich dapamohaj było dastaŭlena nie mienš za 240 tysiač pačkaŭ cyharet ahulnym koštam kala 4,5 miljona złotych (kala 1,24 miljona dalaraŭ).

Śledčyja ličać, što takaja dziejnaść była dla padazravanaha pastajannaj krynicaj dachodu.

Akramia kantrabandy, mužčynu staviać u vinu i parušeńnie praviłaŭ pavietranaha ruchu, a taksama abychod zabarony na ŭvoz cyharet ź Biełarusi, uviedzienaj u miežach sankcyj Jeŭrasajuza.

Biełarus častkova pryznaŭ vinu i ciapier uziaty pad vartu na try miesiacy. Jamu pahražaje da 15 hadoŭ pazbaŭleńnia voli. Śledstva praciahvajecca i nie vyklučana, što ŭ spravie źjaviacca novyja padazravanyja.

Kamientary da artykuła