Va Ukrainie znajšli šary ź biełaruskimi cyharetami, jakija lacieli ŭ Polšču
Na ŭkrainska-biełaruskaj miažy pahraničniki znajšli pavietrany šar z hruzam kantrabandnych cyharet. Kantrabandysty źbiralisia pierapravić tavar u Jeŭrasajuz, ale palot pierarvaŭsia kala samaj miažy.
Pakunak, abmatany čornaj plonkaj, znajšli ŭ Šackim rajonie. Da jaho byŭ prymacavany kanat z reštkami pavietranaha šara.
Unutry znachodziłasia 1500 pačak cyharet marki «Minsk» ź biełaruskimi akcyzami, a taksama dva GPS-trekiery: adzin ź sim-kartaj biełaruskaha apieratara, druhi — polskaha.
Miarkujučy pa najaŭnaści polskaj sim-karty i maršrucie, hruz lacieŭ u bok Polščy. Košt kanfiskavanaha tytuniu aceńvajecca prykładna ŭ 90 tysiač hryŭniaŭ (kala 2200 dalaraŭ).
Ciapier palicyja vyśviatlaje, chto byŭ «dyśpietčaram» hetaha pavietranaha rejsa.
Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes
«Vialikija ryzyki tupa stracić tavar». Spytali kantrabandysta i pamiežnika, navošta Biełaruś zakidvaje Litvu i Polšču zondami
«Šary zapuskajuć i z aŭtamabilnych pryčepaŭ». Były kantrabandyst tłumačyć, čamu cyharety ŭ Litvu ŭsio čaściej pierakidajuć na mieteazondach
Ciapier čytajuć
Što zdaryłasia ź Mikitam Miełkazioravym, jaki raptoŭna pamior siońnia nočču?26
Kamientary