Alaksiej Chlastoŭ raskazaŭ, što ŭ taksi pracuje i jaho syn

I padzialiŭsia, čamu doŭha nie pryznavaŭsia ŭ novaj pracy.

Alaksiej Chlastoŭ. Skrynšot videa: opushkamedia / YouTube

Śpiavak Alaksiej Chlastoŭ raskazaŭ jutub-kanału «Opuška» pra svoj šlach u taksisty.

Śpiavak padzialiŭsia, što z kanca 2021 hoda nie moža vystupać z kancertami i pracavać jak vykładčyk ci pradziusar. Jon dasyłaŭ reziumie ŭ roznyja kampanii, ale jamu ŭsie kazali, što pa peŭnych pryčynach nie mohuć uziać na pracu.

Kali ŭsiu finansavuju padušku siamja vykarystała, to Chlastoŭ vyrašyŭ pajści ŭ taksi. Tłumačyć, što šmat chto idzie tudy pracavać, da taho ž jon lubić kiravać aŭto.

Alaksiej vozić pasažyraŭ na BMW, a jaho syn — na elektramabili. Chlastoŭ sam prapanavaŭ synu pajści ŭ taksi, tamu cikava było zarablać hrošy.

U taksi, darečy, pracuje i brat Andrej.

Śpiavak kaža, što nie ŭsie adrazu vierać, što heta jon za styrnom. Ludzi pačynajuć uhladacca ŭ lusterka i paśla praviarajuć profil kiroŭcy, kab zapeŭnicca, što ich sapraŭdy viazie Chlastoŭ.

Alaksiej doŭha nie pryznavaŭsia, što źmianiŭ prafiesiju. Tłumačyć: było psichałahična składana pryznać, što asnoŭnaja prafiesija nie artyst.

«Ja žyŭ dziakujučy scenie, žyŭ dziakujučy publicy. Składana adčuvać, što ty nie možaš praciahvać pracavać na scenie. Ja b skazaŭ… davajcie nazaviem heta śmiarotnaj karaj. Było ciažka, i sceny nie chapaje», — ščyry jon.

Kamientary da artykuła