Hałasavańnie ŭ Kaardynacyjnuju radu narešcie pačałosia
12 maja a 12‑j hadzinie dnia pa minskim časie Vybarčaja kamisija abviaściła pra zapusk płatformy dla hałasavańnia. Pavodle arhanizataraŭ, sistema pracuje, niahledziačy na praciahłyja kibierataki.
Zdymak ilustracyjny. Fota: «Biełsat»
Staršynia Vybarčaj kamisii Alena Prychodźka zajaviła, što płatforma ŭžo prajšła ŭsie nieabchodnyja testy, ličycca biaśpiečnaj i zdolnaja vytrymlivać pastajanny DDoS-cisk.
Pačatak hałasavańnia z-za maštabnych kibieratak daviałosia pieranieści. Paviedamlajecca, što z pačatku maja płatforma «Try słany», źviazanaja z vybarčym pracesam, padviarhajecca vielmi vialikaj kolkaści zapytaŭ. Kab pavysić biaśpieku, kamanda Paŭła Libiera pieraniesła sistemu z vobłačnych siervieraŭ na fizičnyja i praviała dadatkovuju pravierku ŭsioj architektury.
Tolki ŭčora ŭviečary, pavodle arhanizataraŭ, było zafiksavana kala 1,9 miljarda zapytaŭ na «Try słany» i jašče 1,3 miljarda — na samu płatformu hałasavańnia. Usiu noč śpiecyjalisty pravodzili dadatkovyja testy, kab zabiaśpiečyć stabilnaść i biaśpieku pracy sistemy.
U suviazi z zatrymkaj startu Vybarčaja kamisija płanuje prapanavać Kaardynacyjnaj radzie padoŭžyć terminy hałasavańnia, kab usie achvotnyja paśpieli ŭziać udzieł. Raniej jaho płanavałasia skončyć 17 maja.
Čytajcie taksama:
Hałasavańnie na vybarach u Kaardynacyjnuju radu pakul nie pačałosia
Vybary ŭ Kaardynacyjnuju radu ŭ vyznačany čas nie startavali
Kaardynacyjnaja rada nie znajšła padstaŭ admaŭlacca ad supracoŭnictva z Sumsub
Daradca Cichanoŭskaj zaklikaŭ uziać udzieł u vybarach u Kaardynacyjnuju radu