Kaardynacyjnaja rada nie znajšła padstaŭ admaŭlacca ad supracoŭnictva z Sumsub
Vybarčaja kamisija pa vybarach u Kaardynacyjnuju radu paśla dadatkovaj pravierki nie znajšła padstaŭ dla spynieńnia supracoŭnictva z kampanijaj Sumsub, adkaznaj za vieryfikacyju vybarščykaŭ, paviedamili ŭ pres-słužbie Kaardynacyjnaj rady.
«Techničnaja kamanda pad kiraŭnictvam Paŭła Libiera sumiesna z pradstaŭnicaj Vybarčaj kamisii Alenaj Prychodźkaj praviała dadatkovuju acenku ryzyk, źviazanych z vykarystańniem KYC-pravajdara Sumsub, u suviazi ź niadaŭnimi hramadskimi abmierkavańniami i publikacyjami ŭ ŚMI.
U miežach hetaj pravierki kamanda vyvučyła publična dastupnuju infarmacyju, aficyjnyja zajavy kampanii, jaje praktyki ŭ halinie biaśpieki i kampłajensa, a taksama dadatkovyja tłumačeńni, dadzienyja Sumsub. Pa vynikach acenki nie było vyjaŭlena faktaŭ abo abstavin, jakija patrabujuć spynieńnia ci prypynieńnia supracoŭnictva z kampanijaj», — havorycca ŭ zajavie.
Taksama adznačajecca, što Sumsub pracuje z tysiačami klijentaŭ va ŭsim śviecie ŭ rehulavanych halinach biznesu, vykonvaje mižnarodnyja standarty abarony źviestak i infarmacyjnaj biaśpieki, uklučajučy patrabavańni GDPR, a taksama rehularna prachodzić niezaležnyja aŭdyty ŭ halinie infarmacyjnaj biaśpieki i narmatyŭnaj adpaviednaści.
Urešcie kanstatujecca, što vybary ŭ KR projduć u raniej ustalavanyja terminy, z 11 da 17 maja, hałasavańnie ŭžo mieła pačacca siońnia a 22:00. Praŭda, ź niejkich pryčyn va ŭstanoŭleny čas jano nie startavała.
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie
Kampanija Sumsub, zadziejničanaja ŭ apracoŭcy pašpartoŭ biełarusaŭ, jakija hałasujuć na vybarach u KR, adreahavała na publikacyju «NN»
Daradca Cichanoŭskaj zaklikaŭ uziać udzieł u vybarach u Kaardynacyjnuju radu
Kamientary