Daradca Cichanoŭskaj zaklikaŭ uziać udzieł u vybarach u Kaardynacyjnuju radu
Staršy palityčny daradca Śviatłany Cichanoŭskaj Alaksandr Dabravolski apublikavaŭ zvarot da biełarusaŭ z prośbaj hałasavać na vybarach u Kaardynacyjnuju radu, jakija pačynajucca 11 maja ŭviečary.
Na dumku Dabravolskaha, režym Łukašenki baicca vybaraŭ u Kaardynacyjnuju radu i tamu «namahajecca zapužać nas». Jon adznačaje, što «pieradvybarčaja kampanija prachodziła va ŭmovach pavialičanaha cisku — pryznańnie kandydataŭ ekstremistami, kibierataki i infarmacyjnyja napady», i heta, maŭlaŭ, «dadatkova śviedčyć ab važnaści vybaraŭ u KR dla Biełarusi».
«Nivodny z tych, chto hałasavaŭ na vybarach u Kaardynacyjnuju radu dva hady tamu, nie byŭ vykryty i pakarany za heta. Za dva hady režym nie zmoh uzłamać IT-sistemy i atrymać dostup da identyfikacyi vybarcaŭ. Mienavita tamu ŭsio, što režymu zastajecca — heta rabić ukidy i zastrašać ludziej. Ale dośvied vybaraŭ daje nam padstavy dla ŭpeŭnienaści ŭ tym, što na siońnia zroblena ŭsio mahčymaje dla zabieśpiačeńnia biaśpieki tych, chto budzie brać udzieł u hałasavańni», — śćviardžaje Alaksandr Dabravolski.
Akramia taho, jon zajaŭlaje, što «Kaardynacyjnaja rada — naš protaparłamient. Heta taja prastora, dzie možna i treba abmiarkoŭvać našyja prablemy i vypracoŭvać instrumienty ich vyrašeńnia». Vybary ž u jaje «važnyja jašče i tamu, što jany viartajuć nam sam sens vybaru».
«Tamu ŭdzieł u hetym hałasavańni — heta nie tolki vybar pradstaŭnikoŭ, ale i zachavańnie samoj kultury demakratyčnaha vybaru dla budučaj Biełarusi», — upeŭnieny Alaksandr Dabravolski.
Kampanija Sumsub, zadziejničanaja ŭ apracoŭcy pašpartoŭ biełarusaŭ, jakija hałasujuć na vybarach u KR, adreahavała na publikacyju «NN»
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie
Vybary ŭ Kaardynacyjnuju radu pieraniasuć amal na dzień
Dačka Vardamackaha vyrašyła nie bałatavacca ŭ Kaardynacyjnuju radu
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary