Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju
62‑hadovaha bieraściejca Alaksandra Rudčyka aryštavali za «teraryzm» i ŭdzieł va ŭzbrojenym kanflikcie. U apošnija hady mužčyna žyŭ u Polščy, ale čamuści viarnuŭsia na radzimu, dzie i trapiŭ za kraty. Pa takich ža artykułach sudzili tolki byłych vieteranaŭ Pałka Kalinoŭskaha — Vasila Vieramiejčyka, Vasila Hračychu i Maksima Ralko.
Alaksandr Rudčyk naradziŭsia 3 krasavika 1964 hoda ŭ rasijskim Skavaradzinie ŭ Amurskaj vobłaści, niedaloka ad miažy z Kitajem. U 1985 hodzie skončyŭ Vajskovy finansava-ekanamičny instytut Minabarony Rasii i paśla słužyŭ lejtenantam u Tyndzie (Amurskaja vobłaść).
Pavodle danych BelPol, u Biełarusi mužčyna pražyŭ šmat hadoŭ i z 2003 hoda pracavaŭ aŭdytaram jak indyvidualny pradprymalnik. IP jon zakryŭ naprykancy 2019 hoda. Viadoma, što z pačatku 2021 hoda mužčyna — udaviec.
U sacsietkach Alaksandr nie chavaŭ svaich antypucinskich i antyłukašenkaŭskich pohladaŭ.
Z 2022 hoda mužčyna žyŭ za miežami Biełarusi. Jašče viasnoj 2025 hoda jon publikavaŭ fotazdymki z Polščy. Ale paźniej Rudčyk ź nieviadomych pryčyn apynuŭsia ŭ Biełarusi.
Niadaŭna Brescki abłasny sud vynies Alaksandru prysud. Jaho pryznali vinavatym pa šerahu artykułaŭ Kryminalnaha kodeksa, siarod jakich stvareńnie złačynnaj arhanizacyi (č. 2 art. 285), udzieł u terarystyčnaj dziejnaści (art. 290-3, č. 2 art. 290-4) i ŭdzieł va ŭzbrojenym kanflikcie na terytoryi zamiežnaj dziaržavy (č. 1 art. 361-3).
Admietna, što pa hetych artykułach sudzili tolki vieteranaŭ Pałka Kalinoŭskaha — Vasila Vieramiejčyka, Vasila Hračychu i Maksima Ralko. Ci vajavaŭ Alaksandr Rudčyk, nieviadoma.
Jamu pahražała da dvaccaci hadoŭ kałonii.
Dakładna prysud nieviadomy, ale ciapier mužčyna ŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
U Minsku masažyst Andrej tajemna zdymaŭ hołych klijentak21
Kamientary
I sapraŭdy, a što zdaryłasia? Što ž za tyja pryčyny, kab pajści na vielizarnuju, amal 100% ryzyku dy pajechać u kancłahier? A voś što. Usim viadomyja hetyja pryčyny: z takimi siabrami dy "dapamohaj", z adkrytym prynižeńniem, ź biurakratyčnym ździekam dy admvsłovastvoranaj niavyznačanaściu, niedasiažnaściu pracy i prostaj mahčymaści hodna žyć paśla pieraśledu - i vorahi asabliva nie patrebnyja.
Tamu ščyry dziakuj za razumieńnie i spahadu ŭ składany čas, šanoŭnyja susiedzi. Biełarusy toje nadoŭha zapomniać. Ale kaliści da vas u biadzie abaviazkova pastaviacca hetakža. Inakš nie byvaje.