Biełaruska zaraziłasia šalenstvam ad biazdomnaha kata, a da doktara nie pajšła
U Mahiloŭskaj vobłaści žančyna zaraziłasia šalenstvam paśla kantaktu ź biazdomnym katom. Hety vypadak paćvierdzili ŭ krasaviku 2026 hoda, paviedamili ŭ Ministerstvie achovy zdaroŭja.
Zdymak ilustracyjny. Fota: «Naša Niva»
Pavodle infarmacyi viedamstva, chvoraja žyviolina padrapała žančynie ruki. Adnak paśla hetaha jana nie źviarnułasia da daktaroŭ i nie prajšła kurs pryščepak suprać šalenstva.
Miedyki nahadvajuć, što šalenstva — śmiarotna niebiaśpiečnaja chvaroba. Kali ŭ čałavieka ŭžo źjavilisia kliničnyja simptomy, vylečyć zachvorvańnie niemahčyma. Śmierć moža nastupić z-za paraliču dychalnaj sistemy abo spynieńnia serca.
Čytajcie taksama:
U Bresckaj vobłaści nazirajecca ŭspyška šalenstva
«Kavałačak palca zastaŭsia ŭ rukavicy». Historyja minčanki, jakuju ŭ skviery ŭkusiŭ čužy sabaka