Apošniaj pierarehistracyi nie prajšli kala 80 pratestanckich supołak i adna misija
Padčas pryjezdu ŭ Biełaruś viadomaha prapaviednika z ZŠA Franklina Hrema, jaki 16—17 maja vystupić na «Fiestyvali nadziei» ŭ Minsku, vyśvietliłasia, kolki pratestanckich supołak było likvidavana ŭ krainie padčas pierarehistracyi, piša «Chryścijanskaja vizija».
Aficyjna da hetaha času nie paviedamlałasia, jakimi vynikami zaviaršyłasia kampanija pa pierarehistracyi relihijnych arhanizacyj. Adnak «tajamnicu» vydaŭ sam Alaksandr Łukašenka, jaki, sustrakajučysia z Hremam 15 maja, zajaviŭ:
«U Biełarusi 850 pratestanckich supołak, 20 misij i 5 navučalnych ustanoŭ. Tamu vaša vieravyznańnie ŭ nas vielmi šyroka pradstaŭlena».
Vidavočna, jon ahučyŭ danyja, padrychtavanyja aparatam Upaŭnavažanaha pa spravach relihij i nacyjanalnaściej.
«Chryścijanskaja vizija» padličyła: da pačatku pierarehistracyi, pavodle infarmacyi na sajcie Upaŭnavažanaha, u Biełarusi naličvałasia 931 supołka ŭsich pratestanckich kirunkaŭ. Kali danyja, jakija pryvioŭ Łukašenka, poŭnyja, to vychodzić, što pierarehistracyju nie prajšła 81 arhanizacyja.
Taksama da pierarehistracyi ŭ Biełarusi była 21 misija pratestantaŭ, značyć, adna ź ich ciapier zakrytaja. I tolki kolkaść navučalnych ustanoŭ nie źmianiłasia.
Pastar Hrem paabiacaŭ zaŭtra pamalicca za Łukašenku
Łukašenka sustreŭsia z pratestanckim pastaram Franklinam Hremam
Što moža adbycca na pratestanckim «Fiestyvali nadziei», na jaki pryjedzie prapaviednik z ZŠA
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary
On ich v h....no makajet, za ludiej nie dieržit, a oni sobraliś za nieho moliťsia ?!
Ili Hrem očień dieńhi lubit, lubit bolšie Boha i jeho Zapoviediej ?
Pochožie na to....