Łukašenka paprasiŭ prabačeńnia ŭ Zialenskaha

U intervju telekanału «Al-Arabija» Alaksandr Łukašenka abraŭ niečakana prymirenčy ton adnosna prezidenta Ukrainy Uładzimira Zialenskaha, jaki apošnim časam, naadvarot, zaniaŭ adnosna jaho našmat bolš rezkuju i bieskampramisnuju pazicyju.

Alaksandr Łukašenka. Fota: Evgenia Novozhenina Pool Photo via AP

«Ja niedzie i pierahnuŭ pałku, ale heta byŭ adkaz na voś hetyja jahonyja niedarečnyja zajavy: «Dy ŭ nas 500 celaŭ, dy my viedajem, dzie tam toj Łukašenka znachodzicca, my zaŭtra ŭdarym rakietami, bieśpiłotnikami», — pryznaŭ Łukašenka nieabačlivaść svaich rezkich słoŭ.

«Kali Uładzimir Alaksandravič pakryŭdziŭsia, ja vybačajusia za hetyja słovy», — skazaŭ jon.

Rezkuju ž rytoryku z boku Zialenskaha na jahony adras Łukašenka śpisvaje na jahonuju maładość i «niavopytnaść».

«Ja maŭčaŭ. Navat usie ździŭlalisia, što ja maŭčaŭ. Ja razumieŭ, čałaviek znachodzicca pad takim presam. Małady čałaviek, niavopytny, jon nie vajskovy čałaviek. Ale kali mnie pačali pahražać, ja vymušany byŭ adkazać».

«Ale, ź inšaha boku, jon pavinien razumieć, što ŭ nas časta kažuć: jak śpiavajuć, tak i adpiavajuć. Tamu treba być akuratniejšym i aściarožniejšym.

Tym bolš jon cudoŭna razumieje, jašče raz padkreślivaju, što z boku Biełarusi i asabliva z majho boku niejkich vajennych dziejańniaŭ čakać nie varta», — pasprabavaŭ Łukašenka znoŭ viarnuć sabie toj vobraz u vačach ukraincaŭ, jaki isnavaŭ da 2022 hoda.

Kamientary da artykuła