Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
U intervju telekanału «Al-Arabija» 15 červienia Alaksandr Łukašenka zajaviŭ, što ličyć absalutna niedapuščalnym pieranos vajny pamiž Rasijaj i Ukrainaj na terytoryju Biełarusi. Pavodle jaho słoŭ, hetaje pytańnie nieadnarazova abmiarkoŭvałasia z Uładzimiram Pucinym, i navat sam rasijski kiraŭnik nibyta vykazaŭ mierkavańnie, što ŭstupleńnie Biełarusi ŭ kanflikt pryniesła b bolš škody, čym karyści.
Łukašenka rastłumačyŭ svaju pazicyju niekalkimi pryčynami.
Pierš za ŭsio jon adznačyŭ, što Biełaruś źjaŭlajecca ŭraźlivaj u vajskovym płanie:
«Biełaruś (my heta razumiejem, tamu nie chočam vajavać) vielmi ŭraźlivaja ŭ vajennych adnosinach, kali Ukraina pačnie atakavać Biełaruś tak sama, jak jana atakuje Rasiju. Tamu što Biełaruś va ŭkrainskich vajskoŭcaŭ jak na dałoni. My cudoŭna razumiejem, što našy asnoŭnyja abjekty žyćciezabieśpiačeńnia — vytvorčyja i łahistyčnyja — apynucca pad udaram. Jak jany zajavili, u ich užo 500 takich celaŭ na terytoryi Biełarusi paznačana».
Druhoj važnaj pryčynaj jon nazvaŭ staŭleńnie samich biełarusaŭ da vajny:
«My ŭžo naciarpielisia ŭ historyi. My razumiejem, što zahinie niamała našych vajskoŭcaŭ. Za što? Navošta im hinuć?»
Taksama Łukašenka źviarnuŭ uvahu na vajskova-stratehičny aśpiekt:
«Front dla Rasii pierš za ŭsio (viadoma, i dla nas), kali b jana atakavała Kijeŭ z terytoryi Biełarusi, budzie pavialičany na 1,5 tysiačy kiłamietraŭ biełaruska-ŭkrainskaj miažy. My z rasijanami pry ciapierašnim ciačeńni vajny nie zmožam zabiaśpiečyć abaronu hetaha ŭčastka».
Akramia taho, jon vykazaŭ mierkavańnie, što dalejšaje pašyreńnie kanfliktu moža pryvieści da jašče bolš surjoznych nastupstvaŭ, u tym liku da mahčymaści pramoha ŭdziełu krain NATA, jakija padtrymlivajuć Ukrainu.
«I heta vajna nabudzie novuju jakaść. Heta budzie vajna Biełarusi i Rasii suprać błoka NATO. Choć ja nie vyklučaju, što heta moža być i biez hetaha».
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy21
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
A suprać uzbrojenaha vojska Ukrainy jany ni na što nie hodny i pabiahuć ŭ bok Maskovii ź pieršymi strełami.
Viedaje vusaty što biełarusy jaho nienavidziać. Što ŭ vypadku čaho pierajduć sa zbrojaj na bok ZSU bo jen i jahonyja apryčniki prynieśli hora ŭ toj ci inšaj stupieni amal ŭ kožnuju biełaruskuju siamju i pieravažnaja bolšaść ŭ krainie jaho i apryčnikaŭ nienavidzić.
Vajna suprać Ukrainy dla haŭlajtara i jahonych apryčnikaŭ = šybinica na płoščy i na kožnym słupu.
Hatoŭ atrymać kulamiet i vykonvać prysudy kali nia budzie žadajučych.
Chacia žadajučych moža być vialikaja čarha.