Łukašenka pryznaŭ, što Rasija va Ukrainie nie dasiahnuła metaŭ. Patłumačyŭ heta tym, što Pucina padmanuli Vatykan i jaŭrejskaje łobi
U intervju telekanału «Al-Arabija» Alaksandr Łukašenka vykłaŭ svaju aryhinalnuju viersiju, čamu raźviazanaja Rasijaj u lutym 2022 hoda pry jahonaj padtrymcy vajna va Ukrainie nie skončyłasia chutkaj pieramohaj Rasii. USU, akazvajecca, tut ni pry čym, prosta ŭmiašalisia inšyja varožyja siły, piša BiełTA.
«Pa chodzie bajavych dziejańniaŭ [u pačatku vajny] nie tolki ja, ale i ŭsie ŭ śviecie razumieli, što vajna skončycca chutka pieramohaj rasijan. Heta było źviazana pierš za ŭsio z tym, što rasijanie byli ŭ Kijevie. Ale potym peŭnyja palityki i siły paprasili Pucina spynicca, advieści vojski ad Kijeva i zaklučyć mirnaje pahadnieńnie.
Bačačy takuju situacyju i toje, što hinie niamała ludziej i što vajna, budziem adkrytyja, idzie trochi nie zusim pa scenaryi, jaki byŭ prapisany, Pucin pahadziŭsia i vyvieŭ svaje pieradavyja častki z Kijeva. Da hetaha vyvadu ŭsie razumieli, što dni Ukrainy byli źličanyja», — raskazvaje arabskaj žurnalistcy Łukašenka.
Ale złyja siły tolki padstupna skarystalisia ź miralubnaści i Pucina:
«Čarhovy raz, napeŭna, — ja viedaju — hetyja siły padmanuli. Heta byŭ Vatykan. I, što dziŭna, jaŭrejskaje łobi, izrailcianie. Jany ad imia Zialenskaha zajaŭlali: usio, idziom na mir, zhadžajemsia. Nu i inšyja».
Kali b Pucina nie padmanuli i jon praciahnuŭ nastup, to, pierakanany Alaksandr Łukašenka, «tam ni Zialenskaha, nikoha b nie zastałosia». I jon u hetaj dumcy nie adzinoki, kiraŭnictva biełaruskaha vojska taksama ź im u hetaj acency salidarnaje. Adnak vyjšła jak vyjšła:
«Dalej vajna zaciahnułasia. Užo piaty hod idzie vajna, nichto metaŭ nie dabiŭsia».
Choć Rasija, na dumku Łukašenki, i ciapier vyhladaje bolš pierakanaŭča, tak što jaje pieramoha napieradzie.
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary
Z Hardonam jon miratvorca.
Z Koŭłam jon biznesmen.
Z Pucinym jon leninhradziec.