Abjadnany pierachodny kabiniet zaklikaŭ ułady da Kruhłaha stała z pradstaŭnikami demakratyčnych sił
Demakratyčnaja struktura vystupiła z zajavaj u suviazi z pahrozaj vajennaj eskałacyi.
Abjadnany pierachodny kabiniet Biełarusi adznačyŭ istotny rost pahroz biaśpiecy i niezaležnaści Biełarusi ŭ suviazi z praciaham uciahvańnia režymu Łukašenki ŭ vajnu suprać Ukrainy.
«Siońnia biełarusam žyćciova važna znajści šlachi da dasiahnieńnia hramadzianskaj zhody i efiektyŭnaj abarony nacyjanalnych intaresaŭ. Ad hetaha buduć zaležać jak zachavańnie biełaruskaj dziaržavy, tak i jaje ŭstojlivaje raźvićcio.
Abjadnany pierachodny kabiniet Biełarusi zaklikaje funkcyjanalnyja ŭłady krainy spynić padtrymku rasijskaj ahresii, pačać pieramovy ŭ farmacie Kruhłaha stała z pradstaŭnikami abjadnanych demakratyčnych sił i hramadzianskaj supolnaści z metaj niedapuščeńnia ŭciahvańnia Biełarusi va ŭzbrojenaje supraćstajańnie, spynieńnia ŭnutranaha palityčnaha kryzisu i kryzisu biaśpieki», — havorycca ŭ zajavie.
APK dadaŭ, što niezaležnaść Biełarusi i niaŭdzieł u vajnie — heta klučavyja elemienty dasiahnieńnia nacyjanalnaha kansensusu i asnova dla adnaŭleńnia hramadzianskaj zhody.
Čytajcie taksama:
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu