Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu
Paśla svajho ŭltymatumu Łukašenku ciaham tydnia spynić karektavać maršruty rasijskich dronaŭ Uładzimir Zialenski znoŭ zahavaryŭ pra Biełaruś u svaim zvarocie i pieraličyŭ, što patrabuje ad Łukašenki.
«Ukraina nieadnarazova davała sihnały, što ŭciahvańnie Rasijaj u hetuju vajnu jašče i Biełarusi moža pryvieści da vielmi niebiaśpiečnych nastupstvaŭ. Siarod inšaha, my zafiksavali, što ŭzdoŭž našaj miažy na terytoryi Biełarusi ŭstalavana śpiecyjalnaje abstalavańnie, jakoje pracuje na Rasiju, na rasijan, jakoje dapamahaje rasijanam nanosić udary dronami pa nas, pa našaj terytoryi. My va Ukrainie viedajem pra čatyry takija retranślatary ŭ Biełarusi — mienavita ŭ Homielskaj i Bresckaj abłaściach. Mienavita dziakujučy takomu abstalavańniu nanosilisia ŭdary pa Žytomirskaj, Rovienskaj, Vałynskaj abłaściach, pa našaj enierhietycy, pa našaj čyhuncy — pa zvyčajnych haradach, pa našych vioskach. Biełaruś maje čas, kab demantavać hetaje abstalavańnie», — źviarnuŭsia Zialenski ŭ svaim telehram-kanale.
Jon dadaŭ, što Ukraina viedaje pra ŭsie biełaruskija zavody, jakija pracujuć na vajennyja patreby Rasii.
«Kožnaje pradpryjemstva, jakoje pastaŭlaje kampanienty dla rasijskaj zbroi — dla braniatechniki, dla rakietnych sistem, — i taksama pradpryjemstva, što pastaŭlaje Rasii paliva na vajnu, — heta ŭsio ŭciahvańnie Biełarusi ŭ vajnu. Ukraina nie choča hetaha, i my papiaredzili faktyčnaje kiraŭnictva Biełarusi, jakoje ŭpłyvaje na adpaviednyja padziei».
Jon adznačyŭ, što tolki za studzień-maj pastaŭki bienzinu ź Biełarusi ŭ Rasiju vyraśli ŭ 13 razoŭ, kali paraŭnoŭvać z anałahičnym pieryjadam minułaha hoda, a dyziela — utraja.
«Na žal, heta dapamahaje Rasii adaptavacca da cisku i nie nabližaje mir. Pavinna być naadvarot: mir pavinien nabližacca, i Biełarusi varta rabić tyja rečy, pra jakija havoryć jaje faktyčnaje kiraŭnictva pa nieaficyjnych kanałach, kab my va Ukrainie sapraŭdy bačyli, što Biełaruś sapraŭdy suprać hetaj vajny. Hetuju vajnu treba zakančvać. Mir patrebny», — padsumavaŭ Zialenski.
Ciapier čytajuć
Vyjšaŭ na svabodu vybitny chirurh Andrej Lubiecki10
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
I da, v prošłyj raz oni hovorili, čto rietranślatory stojat priamo na žiłych mnohoetažkach. I oni ich uničtožili. No pro eto, koniečno, vsie zabyli.