«Ciapier u momancie padajecca žorstkim i praźmiernym». Špakoŭski raić Rasii ŭžyć jadziernuju zbroju

Deputata Pałaty pradstaŭnikoŭ, topavaha prapahandysta Alaksandra Łukašenki tryvožać ukrainskija pośpiechi ŭ vajnie dronaŭ. 

Alaksandr Špakoŭski. Skrynšot videa

Alaksandr Špakoŭski ŭ efiry «Kłuba redaktaraŭ» vyrašyŭ parazvažać pra apošnija ŭkrainskija pośpiechi ŭ vajnie. I daŭ paradu rasijskamu kiraŭnictvu.

Pavodle Špakoŭskaha, usie papiarednija pośpiechi Ukrainy na froncie nibyta pieratvaralisia ŭ pravały. Prapahandyst ličyć, što tak budzie i ciapier. Voś tolki Rasija pavinna vykarystoŭvać usie svaje srodki paražeńnia. Tut Špakoŭski namiakaje na jadziernuju zbroju.

«Pakul zrazumieła, što rasijskaje kiraŭnictva z tych ci inšych mierkavańniaŭ nie vykarystoŭvaje ŭvieś arsienał sił i srodkaŭ, jakija ŭ ich jość, dla taho, kab nanieści paražeńnie kijeŭskamu režymu (tak rasijskaja prapahanda nazyvaje ŭłady Ukrainy. — NN).

U svoj čas ja kaleham-rasijanam vykazvaŭ punkt hledžańnia na hety kont. Jon zaklučajecca ŭ tym, što toje, što ciapier u momancie padajecca žorstkim i praźmiernym, užo praź niekatory čas vajennaja realnaść budzie takaja, što heta budzie zdavacca adzinym nieabchodnym rašeńniem», — skazaŭ deputat.

19 červienia prezident Ukrainy Uładzimir Zialenski publična pastaviŭ ultymatum Łukašenku. Jon zapatrabavaŭ za tydzień prybrać z Bresckaj i Homielskaj abłaściej retranślatary, jakija dapamahajuć z navihacyjaj rasijskim dronam. Inakš ich prybiaruć ukrainskija vajskoŭcy.

Łukašenka na vychadnych nie kamientavaŭ hety ultymatum. Pavodle słoŭ Zialenskaha, reakcyi praź nieaficyjnyja kanały taksama nie było.

Kamientary da artykuła