Na Kubie adbyŭsia čarhovy ahulnanacyjanalny błekaŭt

Na Kubie 6 lipienia adbyłosia čarhovaje maštabnaje adklučeńnie elektraenierhii. Dziaržaŭnaja enierhietyčnaja kampanija paviedamiła pra poŭnaje spynieńnie pracy nacyjanalnaj elektrasietki, paviedamlaje Associated Press.

Zdymak ilustracyjny. Fota: AP Photo/Ramon Espinosa

Kubinskija ŭłady zajavili, što ŭžo pačali raboty pa adnaŭleńni elektrazabieśpiačeńnia, a pryčyny avaryi vyśviatlajucca.

Enierhietyčny kryzis u krainie paharšajecca deficytam paliva. Kuba samastojna zabiaśpiečvaje tolki kala 40% svaich patreb, a zapasy nafty, dastaŭlenyja ŭ kancy sakavika, byli vyčarpanyja jašče ŭ mai. Tady ž ułady pryznali, što dziaržaŭnyja reziervy paliva faktyčna skončylisia.

Za apošnija miesiacy žychary Kuby ŭžo nieadnarazova sutykalisia z maštabnymi adklučeńniami elektraenierhii. Akramia avaryjnych błekaŭtaŭ, u krainie rehularna pravodziacca płanavyja adklučeńni śviatła, jakija ŭ asobnych rehijonach mohuć doŭžycca da 24 hadzin.

Na fonie kryzisu kubinskija ŭłady pačali ekanamičnyja reformy, u tym liku pašyreńnie roli pryvatnaha siektara, i prapanavali amal 200 rynkavych źmianieńniaŭ u nadziei damahčysia źmiakčeńnia amierykanskich abmiežavańniaŭ. Adnak pieramovy z ZŠA pakul nie prynieśli vynikaŭ.

Pavodle paviedamleńniaŭ zachodnich ŚMI, administracyja prezidenta Donalda Trampa praciahvaje ŭzmacniać cisk na Havanu, raźličvajučy na palityčnyja źmieny ŭ krainie.

Kamientary da artykuła