Pavodkaj ź Niepała ŭ Indyju źniesła piaciarych słanoŭ VIDEA

U indyjskim štacie Utar-Pradeš vyratavali piaciarych słanoŭ, jakich mahutnaja płyń paśla pavodki źniesła z terytoryi Niepała ŭ Indyju.

Skrynšot ź videa

U statku byli troje darosłych słanoŭ i dvoje słanianiat. Žyvioły apynulisia ŭ race Kaŭdzijała paśla rezkaha pavyšeńnia ŭzroŭniu vady.

Kab pravieści vyratavalnuju apieracyju, supracoŭniki lasnoj i iryhacyjnaj słužbaŭ zakryli šluzy płaciny i takim čynam pasłabili płyń. Paśla hetaha słany zmahli samastojna vyleźci na bierah.

Videa z vyratavanymi žyviołami chutka raspaŭsiudzilisia ŭ sacyjalnych sietkach. Na kadrach vidać, jak słany vychodziać z vady paśla pavodki.

Stychijnaje biedstva adbyłosia 26 žniŭnia ŭ prymiežnym rajonie pamiž Niepałam i Tybietam. Pavodle papiarednich źviestak, pavodka mahła zabrać žyćci kala tysiačy čałaviek.

U zonie biedstva znachodziłasia jak minimum adna biełaruskaja turystka, los jakoj pakul nie vyśvietleny.

Kamientary da artykuła