U Niepale paśla razburalnaha apoŭźnia źnikli sotni turystaŭ, dziasiatki zahinułych
U Himałajach u vyniku raptoŭnaj pavodki i schodu ledavika zahinuli jak minimum 22 čałavieki, kala 400 turystaŭ ličacca źnikłymi bieź viestak.
Katastrofa zdaryłasia ŭ rajonie hornaha masivu kala miažy Niepała i Tybieta. Tam adbyŭsia raptoŭny śniežna-kamienny abvał. Hety mahutny apoŭzień ledavika sfarmavaŭ časovuju zaprudu, jakaja amal adrazu prarvałasia i puściła ŭniz pa kańjonie hihanckuju sucelnuju ścianu z vady, hrazi i vałunoŭ.
Śpiecyjalisty adznačajuć, što za niekalki chvilin da abvału ŭ hetym rajonie byŭ zafiksavany ziemlatrus mahnitudaj 4,4, jaki i moh pasłužyć puskavym kručkom dla schodu lodu.
卧槽，卧槽，中国的边境口岸这是直接没了？ https://t.co/s6Dsx2uIi5 pic.twitter.com/s2QfM1A86J
Stychijnaje biedstva zastała ludziej źnianacku, bo ŭ samim Niepale ŭ hety momant nie było mocnych daždžoŭ. Płyń całkam źniščyła infrastrukturu, masty i prybiarežnyja pasieliščy na svaim šlachu.
Siarod źnikłych — kala trochsot zamiežnikaŭ (u tym liku hramadzianie Indyi, Vialikabrytanii, ZŠA, Małajzii), a taksama miascovyja žychary i hidy. Ci jość siarod źnikłych ci paciarpiełych biełarusy, pakul nie viadoma.
Zaraz u paciarpiełych rehijonach praciahvajecca maštabnaja vyratavalnaja apieracyja z udziełam viertalotaŭ i vojska Niepała, adnak pošuki ŭskładniajucca ryzykaj paŭtornaha schodu łaviny.
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary