MZS zaklikała biełarusaŭ uličvać situacyju ŭ Niepale, Indyi i Kitai
Ministerstva zamiežnych spraŭ Biełarusi zaklikała hramadzian krainy być aściarožnymi padčas pajezdak u Niepał, Indyju i Kitaj, dzie adbylisia maštabnyja pryrodnyja katastrofy.
Fota: Prakash Shrestha / Anadolu via Getty Images
26 žniŭnia na miažy Niepała i Kitaja praz mocnyja zalevy i ziemlatrus adbyŭsia mahutny schod sielu, jaki pierakryŭ rečyšča raki Bchate-Kašy. U vyniku ŭźnikła mocnaja płyń vady, što pryviała da značnych razbureńniaŭ i čałaviečych achviar.
Biełaruskaje MZS rekamiendavała hramadzianam zachoŭvać miery asabistaj biaśpieki i ŭzvažvać situacyju, kali pajezdka ŭ paciarpiełyja rajony abo zony pavyšanaj ryzyki źjaŭlajecca nieabchodnaj.
Pavodle niepalskich uładaŭ, zahinuli nie mienš za 175 čałaviek, adnak mnohija miascovyja žychary i zamiežniki pa-raniejšamu ličacca źnikłymi bieź viestak. Rada pa turyźmie Niepała paviedamiła, što suviaź pakul nie ŭdałosia ŭstanavić z 644 turystami, siarod jakich 127 hramadzian Niepała, a astatnija — zamiežniki. Siarod źnikłych jość i biełaruska.
Biełaruskija dypłamaty vyśviatlajuć abstaviny źniknieńnia hramadzianki Biełarusi. Pry nieabchodnaści biełarusy mohuć źviarnucca ŭ pasolstva Biełarusi ŭ Indyi, jakoje taksama adkazvaje za Niepał.
Čytajcie taksama:
Pavodkaj ź Niepała ŭ Indyju źniesła piaciarych słanoŭ VIDEA
Siarod źnikłych bieź viestak u Niepale jość hramadzianka Biełarusi
U Niepale paśla razburalnaha apoŭźnia źnikli sotni turystaŭ, dziasiatki zahinułych