Premjer Indyi zaklikaŭ Pucina pracavać nad spynieńniem vajny
Padčas sustrečy z prezidentam Rasii Uładzimiram Pucinym premjer-ministr Indyi Narendra Modzi zajaviŭ pra nieabchodnaść spynić vajnu va Ukrainie. Palityki sustrelisia ŭ kyrhyzskim Biškieku, dzie prachodzić samit Šanchajskaj arhanizacyi supracoŭnictva.
Narendra Modzi i Uładzimir Pucin 31 žniŭnia 2026 hoda ŭ Biškieku. Fota: Pyotr Kovalev, Sputnik, Kremlin Pool Photo via AP
Narendra Modzi padkreśliŭ, što kožny dzień vajny nanosić škodu čałaviectvu, tamu nieabchodna pracavać nad spynieńniem bajavych dziejańniaŭ. Pavodle jaho słoŭ, Indyja i nadalej budzie padtrymlivać mirnyja pieramovy pamiž Ukrainaj i Rasijaj.
«Nam treba pierajści ad biaskoncaj vajny da jaje spynieńnia. Takoje pasłańnie Indyi. Nam treba kaniec vajny, a nie jaje praciah», — zajaviŭ indyjski premjer.
Raniej, u kancy lipienia, prezident Kazachstana Kasym-Žamart Takajeŭ padčas sustrečy z Pucinym taksama zaklikaŭ zamarozić rasijska-ŭkrainskuju vajnu i viarnucca da pieramoŭ. Adnak pres-sakratar Pucina Dźmitryj Piaskoŭ u adkaz zajaviŭ, što z ulikam pazicyi Kijeva zamarozić kanflikt niemahčyma. Pavodle jaho, dla Rasii hałoŭnaj umovaj zastajecca dasiahnieńnie pastaŭlenych joju metaŭ.
Čytajcie taksama:
Piaskoŭ pra pastaŭki paliva ź Biełarusi: Čujna reahujuć na našy patreby
«My abaviazanyja». Deputat Dziarždumy RF zaklikaŭ da jadziernaha ŭdaru