Alaksandr Łukašenka 29 žniŭnia sustreŭsia z prezidentam Rasii Uładzimiram Pucinym u rezidencyi apošniaha ŭ Nova-Aharovie. Baki, jak aficyjna paviedamlajecca, abmierkavali biełaruska-rasijskija handlova-ekanamičnyja suviazi, elektroniku i dalejšaje dvuchbakovaje supracoŭnictva.
Łukašenka zajaviŭ, što napiaredadni padčas sustrečy z rasijskim premjer-ministram Michaiłam Mišuścinym baki detalova razhledzieli asnoŭnyja pytańni ŭzajemadziejańnia. Pa jaho słovach, Biełaruś vykonvaje ŭsie dasiahnutyja damoŭlenaści ŭ śfierach sielskaj haspadarki, charčavańnia, paliva i inšych napramkach.
Palityk adznačyŭ, što mižnarodnaja situacyja padšturchoŭvaje Minsk i Maskvu bolš aktyŭna abmiarkoŭvać ahulnyja prablemy. Jon padkreśliŭ, što krainy majuć namier razam pieraadolvać ciažkaści, što ŭźnikajuć. Pavodle słoŭ Łukašenki, ciapierašniaja sustreča pavinna była stać pieradusim padviadzieńniem vynikaŭ, a nie pryniaćciem novych rašeńniaŭ.
Asobna Łukašenka spyniŭsia na roście tavaraabarotu pamiž Biełaruśsiu i Rasijaj. Jon zajaviŭ, što sioleta hety pakazčyk značna pieravysić letašni ŭzrovień. Pry hetym usio bolšuju častku ŭzajemnaha handlu zajmajuć sučasnaja elektronika i inšyja vysokatechnałahičnyja tavary. Łukašenka zapeŭniŭ, što Biełaruś razam z Rasijaj stvaraje nieabchodnuju vytvorčuju bazu i raźličvaje ŭ budučyni vyjści na jašče bolš vysoki ŭzrovień.
Uładzimir Pucin taksama acaniŭ raźvićcio handlova-ekanamičnych adnosin jak paśpiachovaje. Pavodle jaho słoŭ, niahledziačy na sproby źniešniaha ŭpłyvu na praces, tavaraabarot dźviuch krain letaś skłaŭ amal 52 miljardy dalaraŭ. Za pieršyja šeść miesiacaŭ 2026 hoda jon vyras jašče na 12,5%.
Rasijski prezident taksama paviedamiŭ, što abjom pramych rasijskich inviestycyj u biełaruskuju ekanomiku dasiahaje 4,5 miljardaŭ dalaraŭ. U Biełarusi pracuje kala 2,5 tysiač pradpryjemstvaŭ z rasijskim kapitałam.
Łukašenka zajaviŭ, što ŭ jaho na poŭdni i ŭ Rasii na zachadzie jość supolnaja prablema
Łukašenka palacieŭ u Rasiju da Pucina
«Niekatoryja tak — chi-chi, cha-cha — uspryniali». Łukašenka raskazaŭ pra niečakanyja vyniki nakiravańnia niadbajnych sielhasrabotnikaŭ u armiju
U Pałac Niezaležnaści ŭ dzień adpačynku Łukašenki zaprasili 140 biznesmienaŭ. Ich prymaŭ Turčyn
Kamientary