Takajeŭ padčas sustrečy z Pucinym zaklikaŭ jaho zamarozić vajnu va Ukrainie
Prezident Kazachstana Kasym-Žamart Takajeŭ padčas adkrytaj častki sustrečy z prezidentam Rasii Uładzimiram Pucinym u rasijskim Omsku niečakana zakranuŭ temu vajny va Ukrainie. Jon zajaviŭ, što Kazachstan razhladaje jaje jak miždziaržaŭny kanflikt, adznačyŭ, što pryroda hetaha supraćstajańnia «nie zusim zrazumiełaja» dla mnohich krain, i prapanavaŭ razhledzieć mahčymaść jaho «zamarožvańnia».
Spačatku Takajeŭ, jak i Pucin, havaryŭ pra raźvićcio supracoŭnictva pamiž dźviuma dziaržavami. Adnak paśla paviedamiŭ, što atrymlivaje šmat sihnałaŭ ź Jeŭropy i ZŠA adnosna rasijska-ŭkrainskaj vajny i ŭžo abmiarkoŭvaŭ heta z Pucinym padčas telefonnych razmoŭ.
Kiraŭnik Kazachstana padkreśliŭ, što z samaha pačatku ličyć hety kanflikt mienavita miždziaržaŭnym, a nie hramadzianskaj vajnoj.
Takaja acenka adroźnivajecca ad raniejšych zajaŭ rasijskaha kiraŭnictva, jakoje nieadnarazova charaktaryzavała padziei va Ukrainie jak unutrany kanflikt.
Takajeŭ taksama adznačyŭ, što Kazachstan z pavahaj stavicca da ŭkrainskaha naroda, jaho kultury i movy. Pavodle jaho słoŭ, pachodžańnie hetaha kanfliktu zastajecca ciažkim dla razumieńnia, u adroźnieńnie ad inšych viadomych terytaryjalnych sprečak, dzie histaryčnyja pryčyny byli bolš vidavočnymi.
Pry hetym kazachstanski prezident niekalki razoŭ vykazaŭ stanoŭčuju acenku dziejańniam Pucina, u tym liku adznačyŭ jaho, maŭlaŭ, dypłamatyčnuju hnutkaść padčas niadaŭnich mižnarodnych pieramoŭ.
Naprykancy Takajeŭ prapanavaŭ razhledzieć mahčymaść «zamarozić» bajavyja dziejańni i viarnucca da pieramoŭnaha farmatu, jaki jon nazvaŭ «Stambuł 2.0». Jon adznačyŭ, što papiarednija pieramovy ŭžo davali peŭnyja vyniki, a dalejšaje ŭrehulavańnie mahło b adbyvacca pry mižnarodnych harantyjach, u tym liku z udziełam Rasii.
«Heta prosta majo ścipłaje mierkavańnie, raz užo da mianie źviartajucca. Mahčyma, hety kanflikt užo varta zamarozić i viarnucca da Stambulskaj formuły 2.0. Tam byli dasiahnutyja značnyja vyniki. Naturalna, pad harantyi vialikich dziaržaŭ, uklučajučy Rasiju. I dalej ruchacca ŭ bok doŭhačakanaha miru», — zajaviŭ prezident Kazachstana.
Jon taksama adznačyŭ:
«Škada, viadoma, maładyja ludzi hinuć. Heta hienafond «brackich narodaŭ», Rasii i Ukrainy. I ŭsio heta treba spyniać, bo toje, što adbyvajecca, na moj pierakanany pohlad, heta na ruku i ŭ radaść praciŭnikam — i Rasii, i ŭkrainskaj dziaržavy».
Pa vyhladu Pucina było vidać, što vykazvańni Takajeva jamu nie nadta spadabalisia. Jon, adnak, sucha padziakavaŭ kazachstanskamu lidaru i paviedamiŭ, što padčas zakrytaj častki sustrečy bolš padrabiazna prainfarmuje jaho pra situacyju vakoł «ukrainskaha napramku». Na hetym adkrytaja tranślacyja sustrečy zaviaršyłasia.
Tramp: Pucin razumieje, što ZŠA pradajuć zbroju krainam NATA, a nie niepasredna Ukrainie
Hrybaŭskajcie: Kali rasijanie nie źmieniacca, lepš mieć žaleznuju zasłonu
Pucin acaniŭ situacyju z palivam u Rasii
Pucin admaŭlajecca ad pieramovaŭ da poŭnaha zachopu Danbasa
Ilcham Alijeŭ raskazaŭ pra patajemnuju rasijska-niamieckuju sustreču ŭ Baku
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary