U Estonii abrali novaha prezidenta
Parłamient Estonii abraŭ novym prezidentam 51‑hadovuju jurystku Jule Madzisie, jakaja z 2015 hoda zajmaje pasadu kanclera prava. U kastryčniku jana zamienić na hetaj pasadzie Ałara Karysa.
Jule Madzisie. Fota: Riigikogu / Ch
Padčas tajnaha hałasavańnia Madzisie padtrymali 71 z 78 deputataŭ parłamienta. Dla pieramohi nieabchodna było nabrać nie mienš za 68 hałasoŭ.
Jule Madzisie stanie druhoj žančynaj-prezidentkaj Estonii. Raniej hetuju pasadu ŭ 2016—2021 hadach zajmała Kierści Kaljułajd.
Madzisie maje adukacyju ŭ halinie prava: atrymała stupieni bakałaŭra i mahistra ŭ Tartuskim univiersitecie, a taksama doktarskuju stupień pa dziaržaŭnym kiravańni ŭ Talinskim techničnym univiersitecie. Na pasadzie kanclera prava jana ŭznačalvała niezaležny orhan, jaki sočyć za zachavańniem zakonaŭ i vykonvaje funkcyi ambudsmiena.
Prezident u Estonii vykonvaje pieravažna pradstaŭničyja funkcyi.
Čytajcie taksama:
Prezident Łatvii: Ryzyka pramoha ŭvarvańnia Rasii zastajecca nizkaj