Homielskamu čynoŭniku daviałosia ŭnikać u prablemu vjetnamskich śviniej

9 vieraśnia staršynia Homielskaha rajvykankama Alaksandr Novikaŭ pravioŭ asabisty pryjom hramadzian. Pa dapamohu da jaho źviarnulisia žychary Babovickaha sielsavieta ź niečakanaj prablemaj, paviedamlaje miascovaja rajonka «Majak».

Zdymak ilustracyjny. Fota: Wikimedia Commons

Susiedzi hetych ludziej byli niezadavolenyja tym, što jany razvodziać na svaim padvorku vjetnamskich śviniej. Paśla hetaha śpiecyjalisty vyvučyli situacyju i vyjechali na miesca z kamisijaj, adnak nijakich parušeńniaŭ patrabavańniaŭ abo sanitarnych normaŭ u zajaŭnikaŭ nie vyjavili.

Hałoŭny dziaržaŭny vieterynarny doktar Homielskaha rajona Aleh Čumakaŭ rastłumačyŭ, što zakanadaŭstvam nidzie nie ŭstanoŭlenaja maksimalna dapuščalnaja kolkaść śviniej, jakuju možna razvodzić. Hałoŭnaje — vykonvać usie patrabavańni da ich utrymańnia i abmiežavańni, źviazanyja z prafiłaktykaj zachvorvańniaŭ.

Kamientary da artykuła