Tramp zajaviŭ, što pracuje nad kalijnaj ździełkaj ź Biełaruśsiu. Uhnajeńni majuć być tańniejšyja za kanadskija
Prezident ZŠA Donald Tramp zajaviŭ, što pracuje nad ździełkaj ź Biełaruśsiu, pa jakoj budzie zakuplać kalijnyja ŭhnajeńni pa nižejšaj canie, čym ZŠA atrymlivajuć z susiedniaj Kanady.
Donald Tramp. Fota: Nathan Howard / AP
«Złučanyja Štaty pracujuć nad maštabnaj ździełkaj pa zakupcy kalijnych uhnajeńniaŭ u Biełarusi. Cana budzie značna nižejšaja, čym my ciapier płacim Kanadzie, što źjaŭlajecca vielmi dobraj navinoj dla našych fiermieraŭ i ŭładalnikaŭ ranča», — napisaŭ Tramp u svajoj sacsietcy Truth Social.
Raniej siońnia Alaksandr Łukašenka zajaviŭ, što ŭ Biełarusi nibyta niama svabodnaha, niezakantraktavanaha kaliju.
Kanada, Rasija i Biełaruś — try najbolšyja vytvorcy kalijnych uhnajeńniaŭ u śviecie. Asnoŭnymi rynkami biełaruskich uhnajeńniaŭ zaŭsiody byli Kitaj i Indyja. U vypadku kali biełaruski kalij pieraaryjentujecca na ZŠA, kanadski zamienić biełaruski ŭ Kitai. Choć transpartnaje plačo miž Kanadaj i ZŠA najkaraciejšaje, i heta najbolš naturalny pastaŭščyk hetaj syraviny dla amierykanskich fiermieraŭ.
Čytajcie taksama:
Łukašenka: Kab i chacieli pastaŭlać kalij na Zachad, to niama čaho
Ci puścić Łatvija biełaruski kalij? Daviedalisia, što pačuŭ Koŭł u Ryzie
Nakolki kaštoŭnaje dla Łukašenki apošniaje źniaćcie sankcyj z boku ZŠA