Трамп заявіў, што працуе над калійнай здзелкай з Беларуссю. Угнаенні маюць быць таннейшыя за канадскія
Прэзідэнт ЗША Дональд Трамп заявіў, што працуе над здзелкай з Беларуссю, па якой будзе закупляць калійныя ўгнаенні па ніжэйшай цане, чым ЗША атрымліваюць з суседняй Канады.
Дональд Трамп. Фота: Nathan Howard / AP
«Злучаныя Штаты працуюць над маштабнай здзелкай па закупцы калійных угнаенняў у Беларусі. Цана будзе значна ніжэйшая, чым мы цяпер плацім Канадзе, што з'яўляецца вельмі добрай навіной для нашых фермераў і ўладальнікаў ранча», — напісаў Трамп у сваёй сацсетцы Truth Social.
Раней сёння Аляксандр Лукашэнка заявіў, што ў Беларусі нібыта няма свабоднага, незакантрактаванага калію.
Канада, Расія і Беларусь — тры найбольшыя вытворцы калійных угнаенняў у свеце. Асноўнымі рынкамі беларускіх угнаенняў заўсёды былі Кітай і Індыя. У выпадку калі беларускі калій пераарыентуецца на ЗША, канадскі заменіць беларускі ў Кітаі. Хоць транспартнае плячо між Канадай і ЗША найкарацейшае, і гэта найбольш натуральны пастаўшчык гэтай сыравіны для амерыканскіх фермераў.
Чытайце таксама:
Лукашэнка: Каб і хацелі пастаўляць калій на Захад, то няма чаго
Ці пусціць Латвія беларускі калій? Даведаліся, што пачуў Коўл у Рызе
Наколькі каштоўнае для Лукашэнкі апошняе зняцце санкцый з боку ЗША