Biełaruś pačała pastaŭki kalijnych uhnajeńniaŭ u ZŠA, ale prosić viarnuć doŭh, zajaviŭ Łukašenka siońnia na Abuz-Lasnoŭskim palihonie.
«Ciapier hruzim kalij — pradajom Złučanym Štatam Amieryki. Chočacie ŭ nas kalijnyja ŭhnajeńni (kali chočacie zakuplać) — kali łaska. My adrazu nie možam. Voś u nas vyzvaliłasia. My ž zakantraktavali ich na hety hod, na nastupny hod razhledzim. Ciapier źjaviłasia mahčymaść sudna zahruzić (zaŭtra dakładna zakončym zahruzku) — zabirajcie. Ale doŭh viarnicie. 43—44 miljony dalaraŭ našych u «Sicibanku» zatrymalisia — kampanija, jakaja z nami supracoŭničała, zapłaciła hrošy. U bahataj Amieryki zatrymalisia. Vy nam, kali łaska, viarnicie hetyja hrošy», — skazaŭ Łukašenka.
Taksama jon raspavioŭ pra pytańni ŭ kantaktach z ZŠA i ŭmovy dla sustrečy z Donaldam Trampam.
«My adkrytyja. Jany źniali sankcyi z šerahu našych pradpryjemstvaŭ, hatovyja i dalej zdymać. Tam kuča pytańniaŭ, — skazaŭ kiraŭnik dziaržavy. — Pasolstvy — davajcie abmiarkoŭvać, jak budziem adnaŭlać (paŭnavartasnuju rabotu pasolstva). Jadziernyja materyjały i inšaje — tam cełaja prahrama ŭ nas — kali łaska. Chočacie ŭ nas kalijnyja ŭhnajeńni (kali chočacie) zakuplać — kali łaska», — dadaŭ jon.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary