Čałaviek, zapatrabavany pry luboj uładzie. Miaśnikovič byŭ pieršym vice-premjeram va ŭradzie Viačasłava Kiebiča i navat kiraŭnikom jahonaha vybarčaha štaba.Heta nie pieraškodziła jamu paśla pieramohi Łukašenki zastacca va ŭradzie i na doŭhi čas uznačalić Administracyju.
U Miaśnikoviča reputacyja čałavieka, jaki moža vyrašyć luboje haspadarčaje pytańnie.
Jon vyhladaje starejšym za svoj viek. Moža, tamu Łukašenka zaŭsiody źviartajecca da jaho na «Vy». Imidž «mocnaha haspadarnika» prymušaje prysłuchovaŭcca da słovaŭ Miaśnikoviča.
Premjer nie zabyvajecca i na małuju radzimu: ahrakambinat «Snoŭ» staŭ uzornym pradpryjemstvam. Kali b «pa sukupnaści zasłuh» premjeru dali zvańnie Hieroja Biełarusi, jak staršyni Nacbanka Prakapoviču, nichto b nie ździviŭsia. Kali b na jaho, naadvarot, paviesili adkaznaść za ŭsie ekanamičnyja prablemy krainy i adpravili ŭ adstaŭku ci navat dalej, nichto b nie ździviŭsia taksama.
***
Cytata: «Chaŭ a ju, dzieci?»
Miaśnikovič demanstruje nievysoki ŭzrovień anhlijskaj padčas adkryćcia škoły ŭ Minsku, 2012.
***
Abjektyŭka
Nar. u 1950 u vioscy Novy Snoŭ Niaśvižskaha rajona. Skončyŭ Brescki inžynierna-budaŭničy instytut (1972), Minskuju VPŠ (1989). Doktar ekanamičnych navuk. U 1973—1977 — inžynier «Minskvodakanała», u 1977—1983 — kiraŭnik upraŭleńnia pradpryjemstvaŭ kamunalnaha absłuhoŭvańnia Minharvykankama. U 1983—1985 — u kiraŭnictvie Savieckaha rajsavieta Minska, u 1985—1986 — sakratar Minskaha harkama KPB. U 1986—1990 — ministr ŽKH BSSR. U 1990—1991 — staršynia kamiteta BSSR pa ekanomicy i płanavańni. Vice-premjer (1990—1995), kiraŭnik Administracyi prezidenta (1995—2001), kiraŭnik Akademii navuk (2001—2010). Ad śniežnia 2010 — premjer-ministr. Žanaty, maje syna i dačku.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary