Nie tolki World of Tanks! Maps.me, PandaDoc… Top-5 biełaruskich kampjutarnych prahram, viadomych na ŭvieś śviet

Viber i World of Tanks — viadomyja na ŭvieś śviet biełaruskija IT-brendy. Ale ci tolki hetymi praduktami viadomaja biełaruskaja IT-industryja? Maksim Machańkoŭ vyrašyŭ razhledzieć inšyja kampjutarnyja prahramy biełaruskaha pachodžańnia, jakija stali papularnymi ŭ śviecie, i skłaŭ ułasny top-5.

Bittorrent Sync

Pieradača infarmacyi i abmien fajłami — samyja zapatrabavanyja apieracyi ŭ internecie. Dla hetaj mety byli stvorany samyja roznyja servisy. Vobłačnyja schoviščy (Dropbox, Google Drive, iCloud, OneDrive) vyjavilisia davoli zručnymi. Usie dadzienyja zachoŭvajucca na tak zvanym «vobłaku», jakoje źjaŭlajecca, z punktu hledžańnia klijenta, adnym vialikim virtualnym siervieram. Fizična ž hetyja sierviery mohuć znachodzicca navat na roznych kantynientach.

Niahledziačy na zručnaść takich servisaŭ, jany majuć prablemu biaśpieki i kanfidencyjnaści infarmacyi: pabačyć vašy fajły mohuć śpiecsłužby. Vyrašyć hetuju prablemu pasprabavaŭ biełaruski inžynier Kanstancin Lisunoŭ. U 2013 hodzie jon uziaŭ udzieł u chakatonie, jaki byŭ arhanizavany jaho pracadaŭcam (kampanijaj BitTorrent). Za niekalki hadzin Lisunoŭ, jaki na toj momant užo 2 hady byŭ kiraŭnikom minskaha ofisa BitTorrent, raspracavaŭ prahramu BitTorrent Sync.

Dapracoŭvała dadatak minskaja kamanda BitTorrent. Prahrama dazvalaje dasyłać i sinchranizavać fajły pamiž pryładami biez vykarystańnia siervieraŭ. Tranśfiery adbyvajucca ŭ zašyfravanym vyhladzie i infarmacyja nie zachoŭvajecca ŭ «vobłaku», a dasyłajecca naŭprost na inšuju pryładu.

Z-za taho, što pry pieradačy fajłaŭ nie vykarystoŭvajecca siervier, śpiecsłužbam robicca składaniej atrymać vašu infarmacyju. Adsutnaść sierviera vyrašyła i inšyja prablemy sinchranizacyi dadzienych: abmiežavańni na pamier fajłaŭ i chutkaść pieradačy.

Sync vykarystoŭvaje pratakoł P2P (pratakoł, jaki vykarystoŭvajecca ŭ torentach). Hałoŭny plus pratakoła — prostaja pieradača fajłaŭ vialikaha pamieru.

Sinchranizavać fajły na roznych pryładach možna aŭtamatyčna (dla hetaha treba naładzić złučeńnie pamiž devajsami pry dapamozie QR-koda) albo ŭručnuju, kali ŭ vas jość spasyłka albo kluč, zhienieravany ŭładalnikam fajła. Kali vy chočacie padzialicca fajłam ź inšym čałaviekam, vy hienierujecie spasyłku albo kod i dasyłajecie jaje tamu, z kim chočacie padzialicca. U apošnich viersijach Sync źjaviłasia mahčymaść stvarać zašyfravanyja papki.

U prahramy jość tolki adzin istotny niedachop: dla sinchranizacyi roznych pryład jany pavinny adnačasova mieć padklučeńnie da Internetu, bo Sync nie vykarystoŭvaje siervier. Vy nie možacie, jak u Dropbox, ranicaj adredahavać fajł na chatnim kampjutary, vyklučyć jaho, pryjechać na pracu i adčynić apošniuju viersiju fajła na pracoŭnym kampjutary.

U červieni 2016 hoda stała viadoma, što BitTorrent vyrašyŭ vydzielić BitTorrent Sync sa svajho składu ŭ asobnuju kampaniju Resilio Inc., jakaja praciahnie raspracoŭku prahramy pad nazvaj Resilio Sync. Kiravać hetaj kampanijaj budzie były dyrektar BitTorrent Eryk Klinkier, a minski ofis praciahnie zajmacca raspracoŭkaj praduktu. Kanstancin Lisunoŭ da hetaha času źjaŭlajecca kiraŭnikom minskaha ofisa, chacia bolšuju častku času pravodzić u San-Francyska, dzie znachodzicca hałoŭny ofis BitTorrent.

PandaDoc

Letam 2013 hoda prahramisty ź Biełarusi Mikita Mikada i Siarhiej Barysiuk raspracavali prahramu PandaDoc, jakaja dazvalaje pazbavicca ad papiery ŭ dakumientaabarocie luboj kampanii.

Hety dadatak značna ekanomić čas i srodki, jakija iduć na stvareńnie i podpis roznych papiarovych dakumientaŭ i ich apracoŭku.

PandaDoc dazvalaje lohka prahladać dakumienty anłajn i navat stavić elektronnyja podpisy. Prahrama pracuje z usimi samymi papularnymi farmatami (PDF, DOCX i inš.). PandaDoc prapanuje vialikuju kolkaść šabłonaŭ, što značna spraščaje stvareńnie novych dakumientaŭ.

Praca z dakumientami robicca bolš interaktyŭnaj i prostaj. Dakumienty možna ŭdakładniać vialikaj kolkaściu kamientaroŭ i navat videa.

Pavialičyć

PandaDoc, u pieršuju čarhu, aryjentavana na indyvidualnych pradprymalnikaŭ i nievialikija pradpryjemstvy. Na siońniašni dzień bolš za 5 tysiač kampanij karystajucca praduktam, raspracavanym prahramistami ź Biełarusi.

Heta ŭžo nie pieršy padobny sumiesny prajekt Barysiuka i Mikada. Jašče ŭ 2011 hodzie jany stvaryli prahramu Quote Roller, jakaja taksama vykonvaje pryblizna tyja ž funkcyi, što i PandaDoc. Ale Quote Roller vykarystoŭvałasia tolki ŭ prodažach, u toj čas jak PandaDoc možna karystacca ŭ roznych śfierach.

Mikada i Barysiuk užo niekalki razoŭ pryciahvali inviestycyi pad svaje pradukty. U 2013 hodzie kampanija pryciahnuła 655 tysiač dalaraŭ ad fondaŭ Kima Ventures, Altair Capital i jašče 400 tysiač dalaraŭ u 2014 hodzie praz fond TMT Investments. A ŭ lipieni 2015 stała viadoma, što PandaDoc atrymała 5 miljonaŭ dalaraŭ inviestycyj ad Altos Ventures i inšych inviestaraŭ. Inviestycyi patrebnyja, kab pašyryć hieahrafiju i pavialičyć kolkaść klijentaŭ. Śfiera davoli novaja, i rynak jašče nie achopleny, tamu chłopcy kujuć žaleza, pakul haračaje.

ME

Pavialičyć

U 2010 hodzie biełaruski prahramist Juryj Mielničak zasnavaŭ u Ciurychu kampaniju MapsWithMe z centram raspracoŭki ŭ Minsku. Užo ŭ 2011 hodzie kampanija prezientavała afłajn-mapu dla smartfonaŭ Maps.me.

Kartahrafičny dadatak dastupny dla ŭsich samych papularnych mabilnych płatform. Prahrama zapampoŭvaje mapy horada albo krainy z usimi abjektami ŭ pamiać pryłady i zastajecca całkam funkcyjanalnaj biez padklučeńnia da Internetu.

Maps.me aryjentujecca pa GPS, moža budavać maršruty pamiž zadadzienymi punktami, šukać abjekty na mapie i davać pra ich padrabiaznuju infarmacyju. Ź niadaŭniaha času karystalniki mohuć redahavać abjekty na mapach z samoha dadatka.

Pierad tym, jak Juryj Mielničak stvaryŭ Maps.me, jon paśpieŭ papracavać nad kartahrafičnym servisam Google. Taksama nad prahramaj pracavali Alaksandr Załataroŭ, Viktar Havaka i Siarhiej Rečycki. Maps.me stvaraŭsia na srodki zasnavalnikaŭ: dla finansavańnia startapa Juryj Mielničak pradaŭ kvateru ŭ Minsku.

Ale ryzyka była apraŭdanaja. Užo ŭ 2012 hodzie startap pieramoh na Startup Monthly u Vilniusie. Stvaralniki ŭ jakaści pryza atrymali dzieviacitydniovuju stažyroŭku ŭ Silikonavaj dalinie.

Pavialičyć

U 2014 hodzie Maps.me razhladała niekalki prapanoŭ pa prodažy servisu (u tym liku Google i Jandeksu). Ale kamanda nie zachacieła pradavać pradukt «na zarez», tamu pradali Mail.ru Group. Košt pahadnieńnia — ad 10 da 20 młn dalaraŭ. Rasiejski hihant byŭ zacikaŭleny ŭ dalejšym raźvićci servisu i zachavańni aŭtanomii startapu ŭ svajoj struktury. U Mail.ru navat admovilisia ad ułasnaha praduktu [email protected] na karyść Maps.me.

Pavialičyć

Juryj Mielničak pierastaŭ kiravać prajektam u lutym 2016 hoda. Zaraz jon źjaŭlajecca jaho kansultantam i skancentravany na svaich novych prajektach.

MSQRD

Pavialičyć

Pieratvarycca ŭ Stalina albo małpu — niama ničoha praściejšaha.

Raspracoŭka biełarusaŭ Jaŭhiena Nieŭhienia i Siarhieja Hančara ŭ realnym časie hrymiruje pad viadomaha čałavieka, typaž albo žyviołu. Cikava, što mientaram prajekta MSQRD byŭ Juryj Hurski. Jon ža byŭ i mientaram MAPS.ME.

Pavialičyć

U pačatku 2016 hoda prahrama MSQRD stała viadomaj na ŭvieś śviet. U lutym 2016 pra MSQRD napisała papularnaje brytanskaje vydańnie Daily Mail, a ŭ sakaviku Džymi Kimieł pakazaŭ biełaruskuju prahramu ŭ svaim papularnym telešou.

Dadatak atrymaŭ šalonuju papularnaść i ŭvajšoŭ u top-5 amierykanskaha App Store.

U vyniku Facebook nabyŭ biełaruskuju prahramu MSQRD, a jaje hałoŭnyja raspracoŭščyki pierajechali na pracu ŭ łondanski ofis Facebook. U dadzieny momant Facebook zajmajecca intehracyjaj MSQRD u svaje videaservisy, a taksama płanuje dadavać u prahramu novyja funkcyi.

«Masquerade stvaryli fantastyčny dadatak ź videatechnałohijami suśvietnaha ŭzroŭniu. My radyja vitać Masquerade u našaj kamandzie i praciahniem zajmacca raźvićciom videasiervisaŭ sacsietki», — adznačyŭ pradstaŭnik Facebook.

TrackDuck

Pavialičyć

TrackDuck — servis vizualnaj zvarotnaj suviazi i adsočvańnia pamyłak dla veb-raspracoŭščykaŭ i dyzajnieraŭ.

Prajekt byŭ zasnavany biełarusam Jaŭhienam Ivaškievičam i litoŭcam Edmundasam Balčykonisam. Jany ŭpieršyniu sustrelisia ŭ 2013 hodzie na chakatonie Garage48 u Minsku, dzie ŭ ich i ŭźnikła ideja stvareńnia padobnaha praduktu. Paśla hetaha biełaruska-litoŭskaja kamanda prajšła inkubatar StartupSauna ŭ Minsku i ŭdzielničała ŭ šmatlikich konkursach, dzie jany zajmali pryzavyja miescy.

U kancy 2013 hoda Ivaškievič i Balčykonis zarehistravali svaju kampaniju ŭ Vilni, a hatovaja viersija praduktu vyjšła ŭ pačatku 2014 hoda.

Pavialičyć

TrackDuck vyrašaje prablemy zvarotnaj suviazi pry raspracoŭcy — ad dyzajnu da zapuščanaha sajta. Z dapamohaj TrackDuck klijent albo siabra kamandy moža prosta zajści na svoj veb-sajt, adnym klikam adznačyć niapravilnaje miesca na staroncy, i prablema ŭ hety ž momant patrapić da čałavieka, jaki jaje vypravić. Kamanda prajekta pry hetym zaŭsiody budzie bačyć status isnujučych prablem u vyhladzie punktaŭ na sajcie. Usie techničnyja detali, jakija vyklikali pamyłku, i skrynšot staronki (robicca na staroncy klijenta) buduć dastupnyja na zručnaj paneli kiravańnia.

• 0
• 0
• 0
• 0
• 0
• 0
• 0
• 0