Džared Kušner, muž dački Donałda Trampa Ivanki, raspavioŭ pra heta na staronkach hazety The New York Observer, jakaja jamu samomu i naležyć.
Karani siamji Kušnera, pavodle jaho, z Navahradka.
«Ja — unuk ludziej, što acaleli u Chałakoście, — piša jon. — 7 śniežnia 1941 hoda, u dzień napadu na Perł-Charbar, nacysty atačyli Navahradskaje hieta i pašychtavali jaho nasielnictva ŭ dva šerahi: kamu pamirać — sprava, kamu žyć — źleva. Siastra majoj babuli, Ester, kinułasia chavacca ŭ susiednim domie. Chłopiec, jaki bačyŭ, jak jana ŭciakała, vyciahnuŭ jaje adtul, i jana apynułasia ŭ liku prykładna 5100 jaŭrejaŭ, što zahinuli ŭ hetaj pieršaj raźni navahradskaha jaŭrejstva. U 1943 hodzie ŭ noč pierad judejskim Novym hodam 250 čałaviek — usio, što zastałosia ad 20-tysiačnaha jaŭrejskaha nasielnictva horada, zadumali ŭciačy praz vykapany imi padziemny chod, jaki vyvodziŭ za aharodžu. Jany abiastočyli pražektary i vyniali ćviki ź blašanaj strachi, kab jana hrukatała na vietry i zahłušała huki ŭciokaŭ».
«Maje babula ź siastroj nie žadali pakidać baćku i apynulisia ŭ liku apošnich, — raspaviadaje ciapierašni ńju-jorkski biznesoviec i vydaviec. — Kali ž pieršyja ŭciekačy vybralisia z padziemnaha chodu, tam ich čakali nacysty i pačali stralać. Brat majoj babuli Chanon, pa jakim nazvali majho baćku, zahinuŭ tam, i ź im jašče kala 50 čałaviek. Babula dabrałasia da lesu, dzie ŭstupiła ŭ partyzanski atrad bratoŭ Bielskich. Tam jana sustrełasia ź dziadulem, jaki ŭciok z pracoŭnaha łahiera. Da taho jon try hady pražyŭ u lesie ŭ ziamlancy — faktyčna ŭ jamie, jakuju jon sam vykapaŭ — siłkujučysia padnožnym kormam, chavajučysia i načujučy ŭ hetaj jamie navat surovaj zimoju».
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary