Łukašenka pra «Biełaruś-5»: «Niebaraka Daryna kamientuje ŭsie vidy spabornictvaŭ». Chto takaja Daryna?
Alaksandr Łukašenka prakamientavaŭ słovy kiraŭnika ABFF Siarhieja Rumasa, jaki raspavioŭ pra ciažkaści pry zapusku novaha futbolnaha kanała.
«Kali BT-5 niazručna — heta nie nahoda nie stvarać kanał. Naadvarot, kab «Piaty» zavarušyŭsia, treba tudy hetaha ščupaka zapuścić. Bo vy ž bačycie naš «Biełaruś-5».
Jany tam kamientataraŭ narmalnych nie mohuć znajści. U ich Daryna hetaja, niebaraka, kamientuje ŭsie vidy spabornictvaŭ. I tenis, i futboł, i baskietboł, i bijatłon… Moža, jana i śpiecyjalist u hetym płanie, ale nie hłyboki. Nie chaču, kab pakryŭdziłasia — dziakuj bohu, choć jana niešta robić.
Budziem havaryć adkryta: kanał BT-5 — jon prosta nijaki. Pa dziesiać razoŭ kruciać adnu i tuju ž hulniu, tańniej niedzie damovilisia. Dobra, pakazvajuć spabornictvy vialikich. Ale toj ža tenis časam amal z kvalifikacyi pačynajuć tranślavać. Chto heta budzie hladzieć? Ciacieryn i toj nie hladzić. Kaža, mianie nie cikavić. Takija ŭ nas kanały», — aburyŭsia Łukašenka.
Chto takaja «niebaraka Daryna?» Heta kamientatarka «Biełaruś-5» Daryna Zapolskaja. Jana vypusknica Instytuta žurnalistyki, kolišniaja karespandentka «Źviazdy».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ4
Kamientary