43‑hadovy biełarus Raman Krupa, jaki pryjechaŭ na vachtu ŭ Chabaraŭsk i pierastaŭ vychodzić na suviaź u pačatku žniŭnia, znojdzieny žyvym, paviedamili pošukava-ratavalny atrad «Simuran».
Historyja atrymała šyroki rezanans. Jak paviedamlałasia, mužčynu stała drenna, i jon źviarnuŭsia pa dapamohu ŭ miascovuju kliniku. Adnak doktar nie znajšoŭ padstaŭ dla špitalizacyi i adpuściŭ jaho. Paśla taho jak biełarus vyjšaŭ z balnicy na vulicu, jon biasśledna źnik.
Paźniej stała viadoma, što jon 18 žniŭnia zajšoŭ u redakcyju «Chabarovskich viestiej». Mužčyna paprasiŭ vady i spytaŭ, jak dabracca da pasolstva.
Pavodle słoŭ supracoŭnikaŭ vydańnia, vyhladaŭ jon dziŭna — byŭ nibyta ŭ prastracyi.
Mužčyna raspavioŭ, što ŭ jaho ŭsio skrali. Jamu namalavali maršrut da ambasady, paśla čaho jon syšoŭ.
Pošukami zajmalisia pravaachoŭnyja orhany i vałanciory. Jak paviedamlaje pošukava-ratavalny atrad «Simuran», biełarusa ŭdałosia znajści ŭ Chabaraŭsku.
Jaho žyćciu i zdaroŭju ničoha nie pahražaje. Inšyja padrabiaznaści nie paviedamlajucca.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary