Kamandzir roty sam pajechaŭ na pikapie pad ahniom, kab vyratavać ciažkaparanienych bajcoŭ. Jon staŭ Hierojem Ukrainy
Na adnym z učastkaŭ frontu ŭ Charkaŭskaj vobłaści rasijski bieśpiłotnik padbiŭ naziemnuju rabatyzavanuju płatformu, jakaja evakujavała dvuch ciažkaparanienych ukrainskich vajskoŭcaŭ pałka «Code 9.2». Zdavałasia, što im užo ništo nie dapamoža, ale zdaryłasia niečakanaje.
Jak paviedamiła Hrupoŭka abjadnanych sił USU, dvoje ŭkrainskich šturmavikoŭ paśpiachova vykanali bajavuju zadaču i zachapili varožyja pazicyi. Adnak padčas viartańnia ich atakavali rasijskija drony «Małanka». Abodva vajskoŭcy atrymali ciažkija ranieńni i ŭžo nie mahli samastojna ruchacca.
Dla evakuacyi da ich nakiravali naziemnuju rabatyzavanuju płatformu, ale rasijski bieśpiłotnik atakavaŭ i padbiŭ jaje.
Pakul na kamandna-naziralnym punkcie šukali sposab vyvieźci paranienych z-pad prycelnaha ahniu, aeraraźviedka zaŭvažyła na darozie cyvilny pikap, jaki na vialikaj chutkaści nakiroŭvaŭsia prosta ŭ niebiaśpiečnuju zonu.
Za rulom byŭ kamandzir šturmavoj roty Uładzisłaŭ Polski. Jon sam pajechaŭ ratavać svaich bajcoŭ i navat nie paśpieŭ nadzieć broniekamizelku. Kamandzir zdoleŭ vyvieźci paranienych i hetym samym vyratavaŭ im žyćcio.
Za hety ŭčynak prezident Ukrainy Uładzimir Zialenski prysvoiŭ Uładzisłavu Polskamu zvańnie «Hieroj Ukrainy».
«Vydatnaja historyja. Vialikaja śmiełaść. I prykład učynku kamandzira, jaki varty pierajmańnia. Treba kłapacicca pra ludziej. Dziakuj, Uładzisłaŭ!» — skazaŭ Zialenski.
Ukraina pačała vykarystoŭvać brytanskija drony dla dalokich udaraŭ pa terytoryi Rasii
Va Ukrainie praduchilili zamach na kamandzira «Chartyi»
«Tempy nastupleńnia Rasii źnizilisia ŭ razy». Vajennyja analityki — pra toje, jak za leta źmianiŭsia chod vajny va Ukrainie
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES28
Kamientary
[Zredahavana]