Mastacki kiraŭnik Nacyjanalnaha akademičnaha teatru imia Janki Kupały Mikałaj Pinihin vykazaŭsia pra płany pastavić abnoŭlenych «Tutejšych».
«Varta pastavić «Tutejšych» iznoŭ. Tamu što pakul nie budzie čarhovaha patopu, nie źmienicca całkam ziamla i nie źmiašajucca kantynienty, da hetaha momantu pamiž łacinskaj i vizantyjskaj cyvilizacyjami budzie znachodzicca Biełaruś, i pjesa «Tutejšyja» budzie aktualnaja. Moža, da 100-hodździa Kupałaŭskaha i zrobim hetu pjesu, ale — pa-inšamu. Nie treba paŭtarać toj śpiektakl, jon byŭ daŭno. Ale voś prablema: ja nie viedaju, dzie znajści jašče adnaho maładoha Viktara Manajeva…», — raskazaŭ jon u intervju «Narodnaj Voli».
100-hodździe Kupałaŭskaha budzie adznačacca ŭ 2020 hodzie.
* * *
Mikałaj Pinihin — režysior lehiendarnaj pastanoŭki «Tutejšych» (1992), za jakuju atrymaŭ Dziaržaŭnuju premiju Biełarusi. Z prychodam da ŭłady Alaksandra Łukašenki śpiektakl trapiŭ u niałasku. Pastanoŭka niekalki razoŭ pakazvałasia z šalonym ažyjatažam i anšłahami ŭ zale, ale ŭrešcie kančatkova źnikła z repiertuara. Aficyjnaja pryčyna — sastarełyja dekaracyi.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary