U Homieli projdzie maštabny forum dla budučych i siońniašnich baćkoŭ. Abmiarkujuć usio: ad vakcyn da prablem vychavańnia
19 maja Homiel stanie čaćviortym abłasnym centram Biełarusi, dzie projdzie respublikanski kanhres «Mama Pro». Arhanizatary abiacajuć padzialicca infarmacyjaj pra pryščepki, letni łahier adpačynku dla dziaciej i ciažarnych žančyn i adkazać na ŭsie inšyja pytańni haściej.
Asobnaja ŭvaha budzie nadadziena temie pryščepak, nie tolki ŭ dziaciej, ale i ŭ darosłych (naprykład, pry płanavańni ciažarnaści).
— Pryvivać dziaciej ci nie — z hetaj nahody siońnia razharajecca šmat sprečak, — raspaviadaje ŭdzielnik kanhresa, adzin ź lekaraŭ-piedyjatraŭ Źmicier Časnoŭ. — Pryščepki nieabchodna rabić usim dzieciam abaviazkova, naprykład, jak pakazała praktyka apošnich miesiacaŭ, na adzior zachvareli mienavita niepryščeplenyja dzieci. Dziakujučy zachavańniu nacyjanalnaha kalendara pryščepak u Biełarusi, atrymałasia spravicca p mnohimi hroznymi zachvorvańniami, naprykład, z dyfteryjaj.
Na kanhresie baćki taksama zmohuć daviedacca pra sučasnyja mietady abiazbolvańnia padčas rodaŭ, taktyku dziejańniaŭ u ekstrannych situacyjach, pra hihijenu dziciaci z małoha ŭzrostu, pryncypy pravilnaha charčavańnia i mnohaje inšaje. Mamy i taty ŭ farmacie adkrytaha mikrafona zmohuć zadać ekśpiertam lubyja chvalujučyja pytańni.
Udzieł u kanhresie całkam biaspłatny, ale abaviazkovaja papiaredniaja rehistracyja. Čakajecca da čatyrochsot aktyŭnych mam i tat. Sama padzieja projdzie ŭ Homielskim abłasnym hramadska-kulturnym centry. Mierapryjemstva pačniecca ŭ 10.00 i skončycca ŭ 18.30. Važna prajści anłajn-rehistracyju na sajcie albo pa telefonie +375297604451.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ94
Kamientary