U haradach Biełarusi adklučajuć tajmiery na śviatłaforach — ale nie va ŭsich. Voś čamu
DAI zmahajecca z «efiektam apošniaj siekundy», ale jość i minusy.
U niekatorych biełaruskich haradach, da prykładu, u Mahilovie, ź piešachodnych i aŭtamabilnych śviatłaforaŭ pačaŭ źnikać zvarotny adlik času.
Rašeńnie pryniała Dziaržaŭtainśpiekcyja, i jano vyklikała sprečki siarod kiroŭcaŭ i piešachodaŭ.
Pradstaŭniki DAI patłumačyli hety krok kłopatam pra biaśpieku i žadańniem pieramahčy «efiekt apošniaj siekundy». Inśpiektary zaŭvažyli, što mnohija ŭdzielniki ruchu pačali aryjentavacca na ličby, a nie na kolery.
Bačačy, što da źmieny sihnału zastałasia litaralna siekunda, kiroŭcy časta nie tarmoziać, a naadvarot pryśpiešvajuć mašynu, kab praskočyć skryžavańnie.
Padobnym čynam pavodziać siabie i piešachody, jakija ryzykujuć vybiahać na ziebru za paru siekund da čyrvonaha. Na dumku viedamstva, adklučeńnie ekranaŭ dapamoža źnizić avaryjnaść i zališniuju śpiešku na darohach.
Adnak sami žychary pastavilisia da novaŭviadzieńnia skieptyčna. U sacyjalnych sietkach ludzi adznačajuć, što tajmier byŭ zručnym instrumientam dla płanavańnia ruchu.
Bieź ličbavaha tabło kiroŭcam stanie ciažej raźličvać chutkaść, tamu mnohija pačnuć paskaracca «na ŭsialaki vypadak», kab paśpieć na zialony. Da taho ž, na dumku kamientataraŭ, amatary ryzykavać nikudy nie źniknuć i ŭsio adno buduć sprabavać praskočyć skryžavańnie, ale ciapier užo prosta na mirhajučy sihnał.
U toj ža čas staličnaja Dziaržaŭtainśpiekcyja ŭžo abviaściła, što ŭ Minsku adklučeńni śviatłafornych tajmieraŭ zvarotnaha adliku nie płanujucca.
-
U heta składana pavieryć, ale niekatoryja aŭto ŭ Biełarusi kaštujuć našmat tańniej, čym u Jeŭropie. Jak takoje mahčyma?
-
Bolš za pałovu mašyn, jakija zhareli sioleta ŭ Biełarusi, nie mieli dziejnaha techahladu
-
Pradaviec kitajskich elektramabilaŭ, jaki budavaŭ maštabnyja płany, abviaściŭ ab bankructvie
Ciapier čytajuć
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak15
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary
adnolkavy va ŭsich haradach i na ŭsich skryžavańniach.
A kali adzin budzie tak mirhać, druhi hetak, dyk na ich i ŭvohule hladzieć pierastanuć.
Problema kak jeje oboznačili, ona nie po pričinie tajmiera, a po pričinie toho čto ludi dumajut, čto im chvatit vriemieni do toho kak tajmier zakončit sčitať, a on zakančivajetsia i zahorajetsia krasnyj, rovno etu žie problemu połučajem jeśli tajmiera niet sovsiem, prosto čiełoviek budiet priedpołahať, čto vriemieni u nieho jeŝie dostatočno