Trunu ź ciełam ajatały Chamieniei pieravieźli ź Irana ŭ Irak. Ź im raźvitvajucca miascovyja šyity
Trunu ź ciełam ajatały Ali Chamieniei pieravieźli ŭ Irak, dzie prajšli žałobnyja mierapryjemstvy z udziełam tysiač ludziej. Paśla niekalkich dzion raźvitańnia ŭ Iranie truna byłoha viarchoŭnaha lidara krainy była dastaŭlena ŭ Nadžaf. U miascovym aeraporcie jaje sustreli pradstaŭniki irakskich uładaŭ i šyickija relihijnyja dziejačy. Na cyrymoniju ŭ susiedniuju krainu pryjechaŭ i prezident Irana Masud Piezieškijan, piša Reuters.
Padčas žałobnaj pracesii aŭtamabil z trunoj prajechaŭ pa vulicach horada Nadžaf, dzie sabralisia vialikija natoŭpy ludziej. Udzielniki trymali partrety Chamieniei, dziaržaŭnyja ściahi Irana i Iraka, a taksama ściahi prairanskich uzbrojenych farmiravańniaŭ. Častka prysutnych skandavała antyamierykanskija i antyizrailskija łozunhi.
Paśla Nadžafa pracesija pavinna nakiravacca ŭ horad Kierbieła, a zatym trunu viernuć u Iran. Pachavańnie zapłanavana ŭ Miešchiedzie 9 lipienia.
Žałobnaja cyrymonija ŭ Iranie pačałasia 4 lipienia. Raniej paviedamlałasia, što raźvitacca z Chamieniei pryjšli sotni tysiač ludziej.
Ali Chamieniei ŭznačalvaŭ Iran na praciahu 37 hadoŭ i zahinuŭ 28 lutaha ŭ pieršy dzień vajny pamiž Iranam i amierykana-izrailskimi siłami.
Musulmanie-šyity składajuć kala 60-65% nasielnictva Iraka. Heta demahrafičnaja bolšaść krainy, i mienavita ŭ Iraku znachodziacca hałoŭnyja šyickija śviatyni śvietu — harady Nadžaf i Kierbieła.
Paśla zrynańnia sunickaha režymu Sadama Chusiejna ŭ 2003 hodzie šyity pryjšli da ŭłady ŭ Bahdadzie, što całkam źmianiła kartu rehijanalnaha ŭpłyvu i adkryła dźviery dla ciesnaha zbližeńnia hetaj krainy z šyickim Iranam.
Častka irakskaha hramadstva staviłasia da ajatały Chamieniei z hłybokaj pavahaj. Jon źjaŭlaŭsia dla hetych ludziej relihijnym aŭtarytetam vyšejšaha ranhu (mardža at-taklid). Značnaja dola viernikaŭ u Iraku śviadoma vybiraje jaho ŭ jakaści svajho duchoŭnaha kiraŭnika.
Novy viarchoŭny lidar Irana Madžtaba Chamieniei nie źjaviŭsia na pachavańnie svajho zabitaha baćki
U Tehieranie prachodzić raźvitańnie z Ali Chamieniei: Miadźviedzieŭ pahražaje błakadaj pralivaŭ, a novy lidar Irana chavajecca ŭ bunkiery
Ihar Sierhiejenka prylacieŭ u Iran na pachavańnie ajatały Chamieniei
Pachavańnie Ali Chamieniei adbudziecca 9 lipienia
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary